點先冇存在感(學校篇)

其實本身我喺學校都冇乜存在感架
如果你真係想冇存在感
首先你就要唔好欠交咁多功課
每日都一定要交齊
咁老師就冇野好講啦
其次
你要喺學校循規蹈矩
千祈唔好觸犯校規
而且最好唔好成日遲到
仲有
你要留心上堂
唔好釣魚OR瞓覺
咁就一定唔會俾老師話
上堂唔釣魚OR瞓覺就要喺前一日早D瞓
e.g你平時12點瞓---要調教番早D(11點)---為求可以瞓最少8個鐘！
另外
成績保持中等水平都好重要
要達到冇存在感嘅效果
成績就一定唔可以太高或太低
要喺中上OR合格呢個水平就夠喇
最後
既然你嘅頭髮係屬於油性髮質
就應該揀一D去油嘅洗頭水&護髮素(去油嘅護髮素唔會令你嘅頭髮更油架)
而且仲要洗乾淨D+每日洗一次
咁樣先有效控制頭油
同埋唔會咁受同學注目

以上就係我對喺學校冇存在感嘅睇法
其實我自己都有用到我所講嘅方法架
我覺得如果你跟足嘅話就可以令你自己喺學校嘅存在感降低
就算有存在感都會冇咁高
希望可以幫到你啦=]

2010-11-15 19:28:25 補充：
P.S.無論你用邊個方法都好
希望你都可以降低番喺學校嘅存在感啦=]

操行差的人本身就好惹人留意呢..想起來我以前讀書都算係幾無存在感的人，簡單來講只要你做到中規中矩就得，特別係性格。你可以做欠功課、無帶書間中上堂訓覺之類的小錯誤，但唔能惹事生非；平日性格唔特別開朗搞笑，運動唔特別勁，總之性格同外觀唔突出就大大降低存在感

與其要令人完全唔注意你，
你首要係提高自己的EQ(情緒智商)。

你操行唔好，最大原因係你做某D事情之前唔諗清楚，
衝動的性格控制住自己的思想及理性。

一個做野有計劃的人，同一個做野唔經大腦、只懂橫衝直撞的人，
你話邊個操行好D、邊個會受歡迎呢？

有時同人發生衝突，記住唔好馬上俾好大的反應(除左佢打你啦)。
因為通常你的第一反應都係未經大腦思考，未來得及考慮後果。

你應該深呼吸，在你反駁對方之前，
先由客觀的角度去諗下到底會唔會自己做錯左呢？
如果唔係做錯，但會唔會有D更好的處理方法呢？

與此同時，試下代入對方的角度去睇番呢件事，
即係所謂的"put yourself into others' shoes"。
唔好淨係識得由"我"去做出發點，
你或者多D諗下對方的優點，
咁你對佢的印象就唔會咁差啦！

你個問題都幾高難度喎...
不過你想做一個存在感低既人係唔易嫁...

我自己自問存在感並不高，但又未至於冇朋友...但D老師好少記得我...
問題所在就係我數學太差，冇一個老師教過我之後會唔記得我嫁..所以我都好苦惱... 你都知你自己操行唔得，咁就要係呢個方面改善。
點改善呢 ? 睇下你讀左呢間學校幾多年啦，如果已經高中既造就好難啦...
不過可以盡量令D人同你接觸少D... 例如唔好參加課外活動啦，平時冇必要都唔好講話啦... 放學就即刻返屋企，去玩都唔好去學校附近。

另外可以調節下自己D成績...去到中上等級就冇人嘈你嫁啦。

再唔係就轉校啦 (呢個要睇運氣，因為轉學生多數受歡迎)
若你係操行唔好都好多年啦，而自己本身又有好多朋友咁就冇計..唯有同老師講叫佢唔好煩你，自己會改好D囉。