以Raw 照

那不一定,要視乎編輯 raw 那個軟件的預設值.有啲軟件預設值已經加咗一定畫面取向入去,例如一定的銳利度,雜訊消除等.用這類軟件的話可能直出來相都已經有一定可用性.但有啲軟件預設值係乜都歸零的,如果直出就唔多掂.亦有一啲軟件有啲罐頭設定,即係類似相機既picture style咁.就咁揀來套用在相片上就可以直出而有一定可用性.
至於點解會有咁多唔同預設係因為其實唔會有一個黃金設定係適合所有相片的.正如煮餸一樣,冇話樣樣餸都會用同一樣調味的.影 raw 既好處理就係你可以事後因應相片內容而作不同調整.如果乜都唔搞直出,咁真係無謂嘥咁多儲存空間同時間轉來轉去.直接影 Jpeg 仲乾手淨腳.
Raw某程度上對細節保留係比 Jpeg 好.如果你真係懶到一定要直出,可以先做一個比較啱你心意的設定,然後套用到所有相片上.但如果係我就唔會咁求其.既然用咗咁多儲存空間同咁多時間去搞,結果只係好小小,咁不如再用多小小時間,而出來既效果好好多才值得.
個 sales 講得都有道理的,搞咁多嘢其實都係差唔多.咁不如慳翻啲時間影 Jpeg ,時間也是一個寶貴的資源來的.