手機無af=得一個focus影相?[急]

冇錯,係會set死一個對焦距離,影乜都係用呢個距離影.
手機的感光完件非常細小,鏡頭實際焦距好短,好容易就做到超焦距(即係由對焦距離前小小到無限遠都在景深範圍內),尤其冇得對焦既手機畫質好極有限,就算對準焦都係矇矇地,差小小唔中又係矇矇地,所以都唔係好覺.
一般冇對焦功能手機都係預你朋友食飯影下合照,平時影下風景,抓拍等.對焦距離我估計佢都係設定做1.5m至2m左右.差不多係平時影人同影風景既最近對焦距離.預你可以應付大部份情況.
不過如果影近嘢例如枱面碟餸呢個方法就會唔掂.因為影近嘢景深淺,唔對準焦係會好矇的.所以有部份手機會有所謂微距功能.當然唔係真係去對焦,只係預設多一個比較近既對焦距離用來專影近嘢,例如半呎左右.等就算唔中焦都唔會差太遠.但係用微距模式影遠嘢就會唔清的.
如果手機冇微距或者近攝功能咁就直情影唔到,會好矇.