平郵&掛號

平郵，即係以郵寄方式交收，最普通的郵寄方式，通常1-2個工作天收到。好處：平，最平$1.4
壞處：無任何保障，因為郵差只會將郵件放於收件人信箱，可能會有被盜的風險。

掛號，好處：因為要收件人簽收，郵差亦會上門派遞，會比較安全，亦較少機會寄失。
壞處：除基本郵費外，需另加$13掛號郵費。如果有人寄掛號郵件比你，你只需安坐家中，因為郵差會上門派遞，你個時只要拎張身份證比個郵差核對收件人姓名，你再簽收就可以。
如果郵差派遞時，你唔係屋企，家人都可以代收，都係要抄低身分證同簽收。
如果郵差派遞時，你屋企無人，郵差會將郵件退回最近郵局，跟住郵局會係1-2日內寄張「領取掛號郵件通知卡」比你，你再拎住張卡同身分證去張卡所示的郵局取件就可以。
平郵郵件係唔需要收件人的身分證。


2010-11-15 00:58:51 補充：
如果賣家表示「包郵」，即表示平郵郵費由賣家負責，買家只需要支付貨款就可以。不過，如果買家想以掛號方式收件，就要再加$13掛號費。