地盤開工期間受傷但僱主吾認數點算?

我啱啱返左地盤1日，第2日就因工受傷，但僱主話我無工人註冊證開工所以不能claim 工傷病假。

其實件事係咁，第一日開工朝頭早:僱主未有向我索取登記工人註冊證和平安卡，話開住工先下午先幫我做登記手續，可惜未登記前係上朝做野期間我跌左張工人註冊證，到左中午2點負責人開始幫我做登記證件，我就向他說明我早上跌左張工人註冊證，但平安卡無跌，負責人說沒有問題先登記平安卡，註冊證可以第日補返。

第二開工，
工作期間手臂脫臼受傷，CALL白車送到醫院，醫生開了4天病假給我，回到家後我打電話同僱主傾聯絡，誰不知僱主卻話我因為無工人註冊證開工，不能claim 工傷病假，請問當真無註冊證就不能claim勞保?但我果時只係做野果陣突然間趺左，而且有提供平安卡，而負責人都照比我開工。

個僱主好似吾想claim 工傷，整親果時已聽到佢講話吾好CALL白車，咁做會好大獲，話送去附近跌打館托返個臼位，但考慮左好耐結果終於CALL左白車，而且重即時除左我條安全帶，又叫我話去到醫院吾好同醫護員講話係係大厦外牆棚架外工作受傷，係係大厦內因提重物導致受傷，但我吾知為何要講這個大話，所以無聽佢講，如話實說。

而家我應該點做?佢話私底下比兩日病假錢我，但我吾想咁樣，我想報勞工處claim 病假，但我又驚到時去到會同佢嘈或發生爭執，我想平安地解決問題請問工傷錢係用何種方法支付，過帳戶或開支票，要否本人親自上去攞?因為只係返左兩日工既關係所以暫時只知道請我果個僱主既電話同埋做野既地方，但未知佢姓名同公司名，第二日就受左傷，但如果到時勞工處須要我提供僱主資料，但我提供個地盤既大判然後再叫大判查找我果個僱主既資料咁樣可以嗎?因為發生今次已令僱主大為不滿，所以我驚到時佢吾肯講資料我聽，我是一個零社會知識的人，社會經驗好淺，很多都不懂不曉，過往經常被騙，所以希望有人指導我而家要點做