nikon閃光燈一問(急... )(20點(!!!)

1) TTL全寫係Through the lens.上一代既閃光燈測光方法係靠機身上的一個感應器量度反射回來的光量.呢個方式最大缺點係當鏡頭或者閃光燈加咗瀘鏡時會誤判而導至輸出量不足.所以現今技術都係將感應器設置在相機內,鏡頭後面.咁即使出面點搞都好,感應器測到既入光量都係正式入光量.
至於過程就係閃燈會先發出一次較微弱的閃光,相機會距據感應器接收到反射回來的光線的強弱而決定真正的輸出.即係一共會閃兩次.但中間相隔的時間好短,如果唔係設定做長快門及後簾閃燈,基本上只會覺得係閃咗一次.
TTL最大好處就係乜都自動,唔駛理.
2) 唔同TTL模式對主體及背景光度考慮唔同.
TTL Mode (標準TTL模式) ~ 無論背景亮度是如何，主體也會正確曝光，想要突顯主題時就可運用此模式。
(註：TTL模式會配合機身型號與操作模式自動調整為 i-TTL、D-TTL或Standard TTL)
TTL BL Mode (均衡補充閃光模式) ~ 閃光輸出量會自動調節使主體與背景均能夠得到良好的平衡。
不過留意閃燈來來去去都只係可以控制照射到的範圍,如果背景好遠,又唔用足夠大光圈及長快門時間的話,用乜mode佢都係黑麻麻,冇話可以用閃燈就搞到人又光,背景又光咁着數的.
TTL雖然好方便,但頒獎相及團體相我反而勸你用手動輸出.因為呢啲相距離基本上冇乜大變化.只要試啱一次,之後全部照影就得.又唔駛預閃慳翻啲電,回電都快啲.又準.TTL最大唔好處就係要測光.多人着白衫就要加閃光補償,多人着黑衫就要減閃光補償.團體相都仲話可以慢慢試到啱啫,頒獎相好似滾水淥腳咁,邊有時間俾你較來較去?
用手動輸出只要頒獎開始前企啱位唔好郁,試啱輸出,啲人一埋去就影一定冇失手.
3) SB600本身支援24-85mm焦距自動變焦功能.即係你zoom得遠過24mm個燈頭會跟住zoom出,令閃光較集中,等閃燈有效距離增長.長過85mm佢就會由得啲光嘥咗.但如果焦距wide過24mm,咁相片就會因為閃光唔夠擴散而出現暗角.這時拉出擴散板,即係你講既廣角配接器就可以支援最多去到14mm而唔會有暗角,但缺點係閃光有效距離會短咗.所以唔好係又用,唔係又用.
你係用甚麼相機?如果唔係全片幅加超廣角鏡頭應該都唔駛用.
頒獎唔駛用咁wide應該都唔駛用.團體相或者有需要,見到暗角就用啦.