對付小魚白點, 請指教 >.

其實白點可用落黄鹽加水温至30度便可徹底醫治。

因為白點蟲在30度以上先會徹底死亡,

唔用暖管加水温到30度,d白點蟲好難完全死亡的。

黃鹽可在旺角金鱼街(宏和水族)買,$10一包,果度d黃鹽調較得幾好。

黃鹽每10公升水落一匙,食飯盒果隻匙,

計算公升方法,水位計: 長?吋x闊?吋x高?吋÷62=?公升

呢個方法在一星期內白點就會無哂。

如果落黃鹽再加其他藥水一齊使用,效果更好,一定要加水温到30度先掂。


問: 有blog講係d魚唔慣d水, 甘究竟我勤換水定no呢??
如果你用養水换水换幾多次都無問題,養水即係將水喉水等12小時後才用。
如果你用水喉水直接换水既話,一星期换兩次,每次1/3。
用凍水换入鱼缸都好容易生白點,
天氣得番十幾度果陣時,要用熱水爐換水,
用手試下d水温,凍過隻手小小就可以用。

這情形鹽同藥水一齊用較好ma??
一定好好多,用黃鹽同藥水一齊用啦。

鹽的份量是??
每10公升水落一匙,食飯盒果隻匙。

我餵食一般小魚糧, 近日加埋豐年蝦?應轉糧或加其他營養ma??
餵小魚糧可以,但最好加埋急凍紅蟲,因為急凍紅蟲d鱼食左飽d同營養好d,
可以一天餵糧,一天餵急凍紅蟲,甘都ok。

平時换完水都加番d普通粗鹽入缸d鱼就無甘容易病,
份量都係每换10公升水落一匙,食飯盒果隻匙。

希望你缸魚d白點快d好番啦！




2010-11-14 21:44:21 補充：
生物環用來產生硝化細菌的,我個人認為唔落生物環都無所謂,
因為d鱼屎同埋d食剩鱼糧吸左入濾水器裹面既生化綿會自動產生硝化細菌,
硝化細菌係一種益菌,用來消除水中有害物質的,所以養鱼一定要有。

你唔洗買d一支支既硝化細菌藥水,
因為有濾水器或者水妖精養鱼果陣就會自動產生硝化細菌。

白點use魚快治 is good!!!!
白點don't use 黃鹽
我用魚快治 !! $15

吾好勤換水呀！
我條魚都有白點，我用 魚快治 就沒事了。