沙田有咩野地方去呢?

日頭:
(1)沙田文化博物館(:
可以睇下D文物,
勁好呀,
同埋你又5係成日黎沙田,
去睇下可以同你女朋友一齊解下D文物:)
(2)沙田公園
睇下D花草樹木,
仲有fish比你睇tim!
(3)新城市廣場
可以行下商場,
買下野,
一定會好開心=D
攰個時仲可以食野tim,
大把野比你地食呀!

night:
去行震
新城市廣場
之後食埋野,
就可以去
新城市廣場空中花園
個到係night好令令伽!
D燈開晒!
無得頂!!!


最後,
希望你地可能永遠開開心心啦!

1) 香港文化博物館

2) 城門河河畔

3) 新城市廣場空中花園

4) 宜家家私

至於如何前往, 可參照以下滿滿是拍拖好去處的網址:

www.suetsuetcat.110mb.com

依個網址幾有用架~ 希望幫到你~

行程最好係12:00pm 開始啦~ 一見面先找地方食lunch~ 之後帶佢去行下新城市先~
拍拖主打店鋪: 玩具反斗城, 宜家家私, X險樂園(夾下公仔等)
之後可以帶佢去新城市廣場空中花園SEE SEE
中午6:30PM左右食Dinner啦~ 沙田好多人, 早少少食會好D~
晚上可逛逛城門河河畔,
然後順便帶佢入沙田公園kiss~
記住送人番屋企~

(覺得唔夠密, 可以加插去博物館, 不過離商場有點遠~ 前往有點麻煩~)

你好! 如果係日頭可以選擇去沙田新城市廣場行吓街,
呢個商場都幾大, 佢連接左幾個小商場又可以行吓!
行到累或者想坐下, 佢最上層有個露天休憩場地, 有D搖搖長椅可以坐下,
不過好多人爭, 要耐心等下! 到夜晚呢個場都幾有氣氛, 你可以同女朋友上黎聊天!
想有文化氣息, 可以去沙田文化博物館, 不過佢同新城市廣場有D距離, 約行15分鐘!

夜晚除左可以去剛才提及的露天休憩場地, 新城市廣場附近咪有個圖書館嘅,
唔知你知唔知邊度呢, 你行到ZARA個頭有個扶手電梯落去,
落到最低層有個好大的玻璃門, 出去有條樓梯上去就係圖書館,
不過唔好行上去冇野睇, 只係得個圖書館, 行下面D路,
你可以係度行吓有D長椅坐, 都有D景點睇吓嘅, 有公園, 不過又唔好咁夜去,
因為個頭會有D人玩花式單車玩滑板, 破壞哂D氣氛!

如果再偏離新城市廣場, 有個城門河可以坐吓傾吓計, 睇吓景色(不過其實麻麻地),
唔知你知唔知呢度點去呢, 就係頭先上述的圖書館個頭, 行遠少少會有條橋,
橫過條橋就係城門河!

其實沙田最主要都係得新城市廣場個頭有野行有野睇!
~~~希望幫到你~~~