比人欺負(20)

你唔好唔開心啦~
我永遠支持你!
我完全明白你的處境，
俾人欺負(其實已經是｢欺凌｣)是很痛苦，
我相信你不論是上學，還是在家，你都會不快樂。
世界真多這些賤人!

你家人知道這件事嗎?
你可以向他們傾訴下..
不過我都知其實幾難開口，
加上你話你係D內向的人，
所以都唔易開口。
但係你可以將依一個作為你的新突破，
嘗試一下突破自己以為不可達到的界限。

果D人咁做目的是什麼?
就是令你唔開心嘛!
咁你做咩要唔開心?
你要活得更精彩!
你要嘗試忘記那些傷心事，
自己做好每一件事，
並想想你究竟得到了什麼，
-----你得到了家人(有人一出生就是孤兒)
------你得到了一個溫暖的家(沒有一所學校比得上一個好家庭;沒有一個老師比得上真誠,品德高潔的父母。----甘地(真理的海洋)
-------你得到了溫飽的食物(世界上有多少人沒有食物!)
-------你得到了身邊的物質eg.電話,電腦等(不是每個人都有)
因為人生不是在乎你得到多少，
而是你珍惜了多少。

你話你成績唔好,
咁你就應該努力D讀書!
不過我明白你俾人欺負會更加冇心情讀好書，
但係你宜家可以做既就只有努力讀好書，
第日成就超越果班賤精。
如果唔係你就會一世俾人睇死喇~
反正班人係為你冠上莫須有的罪，
又唔係你的錯，
你都冇辦法嫁~
因為你無法控制別人對你的看法，
你只可以盡力做好你自己~

另外你亦可以從另一角度看，
你身心雖苦，
但你可以從中領略一些人生道理!
你沒有察覺，
中國古時有名的作家都有著痛苦的人生經歷?
因為只有在天空最黑的時候，
才看得見星晨!

加油呀!!!!!

你要首先知道，你係唔係太內向
你唔好軟，呢些人唔係靠惡
係要由得佢
你都要同人講你的不門
佢地就會慢慢唔蝦你
不過不是一定得
試一冇壞

你都冇試過，你又唔同老師講！您如果同老師講！佢可能會停手！

d 低能人士係咁架啦~ 性恪太內向係會比人哈架啦,

連個唯一ge fd 都遺棄你,係慘d ge~

雖然好同情你, 但你要知道, 唔想搞大件事, 係會繼續比人哈 架囉.........

發火,佢地咪仲變本加厲?!

忍乜鬼呀?! 報警啦! 有傷在身,告得佢地入架!!!

事出必有因ge, 咩因為先係最重要lor......

你屋企人 唔同意 報警 架咩?! @口@"

宜家佢都整損在你
我覺得同老師反映會比較好,,,

再係咁佢只會得寸進尺
欺負你得更厲害 你有排唔開心

如果你搞大件事 我覺得起碼D人唔會再咁過分
不過就可能冇乜朋友

但你唔講 你有排唔開心洛去 ...........
都係睇下你點選擇.....但我覺得同老師講會好D......
今次佢用硬物扔你....咁下次呢.........真係好危險架............

冇計架啦,頂硬上啦,

我被人欺負時，會用把口黎寸人，接著說說話就得了!(現在變成朋友了!!!!)

1.同你信任的人講

2.面對問題, 找出原因, 解決問題

3.努力讀書, 証明自己係唔會比人睇死

4.幫助同學

5.到有一日, 你係全級第一的時候, 你這些壞同學自然會後悔~

如果妳怕同屋企人講 咁可能妳乜都怕,所以先比人蝦到咁樣.試下發一次火,要大D
咁樣可能佢地會怕一點.試試

2010-11-11 18:08:59 補充：
努力讀書 就唔會比人蝦咩 哈哈

見到你咁慘,我都表示很同情

對著依d情況又唔理唔得

同老師講左又冇用d人又會更衰

咁點算呢

同家人講,家人幫你出頭,講到去校長度,校長應該會處理,到時你再比人欺負就再講,咁你雖然可能會冇咩朋友,但起碼唔會比人欺負

但看你的情況你d同學真係好衰喎

唔單止講你花名仲整傷你,真係好過份

你其實可以報警架

我睇過唔少報紙

有唔少人都係報警處理

或者,你可以選擇轉校,去一個新環境

不過唔能夠擔保唔會再有類似情況發生

不過

講到尾,最好辦法都係同家長講,始終佢地係你最親,一定能想到一個最能幫助你的方法



最後,祝你能解決此事,

2010-11-11 20:03:59 補充：
你話你唔想搞大件事,不過你要諗一諗: 係果d人太得寸進尺喎,係佢地逼到你咁唔開心喎

你唔搞大佢,佢地係唔會知驚架

轉校,不無其它方法了,或者你變得外向囉.但有時這些人把口太衰了,你也不要太放在心上,做好自己就可以了.