人民幣升值對中國有什麼正負面的影響?

樓上東涌達人的答案我又想笑笑。

無錯，佢答既答案，係一般經濟教科書科既經濟理論，貨幣升，對出口有影響，貨幣跌對出口有正面影響。

但有樣野就係極大錯誤，就係呢個係人民幣，唔係其他貨幣。中國是世界工廠，全球9成物品都是中國製造，人民幣升值，根據教科書定義係影響中國出口工業，但要知道中國是必需品出口大國，人民幣升值反而會增加出口。因為各國都預期人民幣再升，好自然會多入貨，一旦人民幣升值，本來入多左貨，都對本身冇影響。

君不見人民幣每次升值，中美貿易都有變化嗎？就是美國對中國貿易赤字係增加，呢樣就係人民幣升值的現況。

人民幣升值，根據教科書理論是入口貨多左，但要明白，中國入口貨品的來源地，一般都是歐美，歐美這樣物品都很貴，即是一對鞋，同國產貨相比都差一倍價錢，入口多左又如何？冇人買又係滯銷！真係閻羅王嫁女啦！

不過，中國需要入口的是外國糧食，例如美國玉米等，人民幣升值，好自然會入多d。但是全球資金太多，入左內地，銀行利益低，唔夠炒作賺咁多，以人性來說，入口呢d野，d人又會去炒，所以入口多左，同樣冇用，都係有極高的通貨膨脹

教科書的理論只是基本東西，不可能成日都運用到，只能作參考，東涌達人讀左咁多年理論，全部都由教科書搬字過紙算，毫無思考，毫無分析，難怪香港人大部分都是讀死書，不會變通。不可能一本通書睇到老。

正如日本近年極度低息，根據教科書理論，低息環境，會令貨幣匯價低，但是日本係咁升，就知道教科書不可能照搬字過紙

2010-11-24 21:45:08 補充：
哈哈，我終於都等到東涌達人你正面回應我。

首先，你要明白，你講的理論是在教科書的理論。我開首已經講明你提到的理論是正確，我從不否認。但今次的對象卻是人民幣。

其次，冇錯，人民幣升值，的確令到出口有所影響，凡讀經濟皆知此道理，我不否認。因為人民幣升值，別國要用更多貨幣兌換成人民幣，用黎找數。人民幣升值，出口價格逼住升，加之以國內通貨膨脹，一件貨品原本賣十蚊，依家要賣十二蚊先圍到本，人地國家買呢件貨，就要用12蚊買，呢個自然影響出口，我不否認。

2010-11-24 22:11:40 補充：
但中國是世界工廠，好多生活用品都是中國製造，中國如今是全球出口第一。美國人一直要求人民幣升值，因為佢地認為，人民幣升值，可以減少中美貿易逆差，但是從美國公布的數字，貿易逆差不單沒有減少，反而擴大。如果人民幣升值，真係令到出口量跌，我不否認有這種可能，但從中美兩國之間貿易逆差數字睇黎，人民幣升值，反而擴大了美國進口。我地睇睇今年7月數字，那時人行係6月公布升值方案，1個月內人民幣升值了0.8%，7月時正好公布了5月數字，美國對華出口增加了2.5%，但進口卻大漲了12%。

2010-11-24 22:30:05 補充：
我地又睇睇8月數字，10月時美國公布8月數據，那時候人民幣都有升值，但是美國對華貿易逆差，較7月份擴大8.8%﹐至463.5億美元。當月美國對華進口額增加6.1%﹐達到創紀錄的352.9億美元﹔當月出口額下降9,200萬美元﹐至72.5億美元。

一般教科書學的是本國貨幣跌，有助出口。但8月時，美元都貶值，但是出口額反而跌左，而進口額反而高左。從呢d數字睇到，人民幣升值，未必真係出口量跌左。

2010-11-24 22:30:12 補充：
我地又睇睇中國2010年對美出口數字，頭五個月，中國出口到美國的數額是990.14億美元，較去年同期增長24.8%。09年到10年，人民幣幾乎係橫行冇升值，但是10年對美出口額是升左24.8%，可見到人民幣升唔升值同出口沒有關係，而在於有沒有需求

2010-11-24 22:47:01 補充：
首先，我諗你真係唔明白貿易是什麼一回事。以美國為例，美國人搵中國廠落訂單，會先開一個價比大陸廠，如果大陸廠做唔到呢個價，會搵第二間做。假設依家美國人要做1千萬的訂單，咁美國人只會付1000萬比廠，廠就要用1千萬之內的價格，去起貨。如果國內原材料升，人工升，租金升，電費升，水費升，咁樣，成本就會大升，咁成本升左，但賺只有1千萬，但成本越來越高，咁大陸廠只能賺得越來越少。

另外，係大陸廠交收係用人民幣交收，人民幣升值，訂貨者要用更多錢去換人民幣，咁對方成本就會升，所以係搵大陸廠落訂單時，格價又會調一調，咁樣羊毛出自羊身上，最後又落到廠家到。

2010-11-24 22:52:11 補充：
所以溫家寶先話人民幣大幅升值，係影響廠家利潤，而唔係影響出口，你引錯例。如果廠家冇利潤就要倒閉，所以溫家寶先話人民幣唔可以大幅升值。而一d大型工廠，例如富士康個d，可以借機壟斷市場，擴大廠房，食埋人地倒閉左既廠房，出口都未必有影響，只是生產歸邊。

所以人民幣升值，對生產廠黎講係有影響。人民幣升值，固然會增加出口額，及增加出口量，對中國出口的確有好處。但是後果是我國國民，因為中小型工廠倒閉，工人失業，大廠發展唔晒請唔到咁多人，中國失業率一定升，咁樣對中國本身冇好處。

2010-11-24 23:02:26 補充：
另外，中國出口量跌左，唔一定係關人民幣升值事，人地國家需求減少，進口量就會低，所以解釋左，點解一兩年前，中國出口突然大跌，美國進口量跌左就係咁解，那時人民幣冇依家咁高。當年人民幣都冇跌過，只是橫行，但出口量卻比金融海潚前低，可見人民幣升值，未必真係影響出口量

人民幣升值令中國貨出口價格上升，減低了出口量，對出口工業的就業形成壓力。

人民幣升值令中國貨 進口 價格下跌，增加了進口量，而進口原材料及貨品的價格均較以前平宜。

人民幣升值後，理論上會增多進口，可能增加進口美國產品，對美國經濟復蘇有一點幫助，但不會太大。

2010-11-23 01:04:26 補充：
知識庫將軍

你攪錯了『量』和『金額』的分別了，

人仔升值，出口貨物以人仔定價，自然會令出口金額上升的，但出口量是下跌了。外國要用更多的該國貨幣購買中國貨，赤字亦會上升，但所購中國貨的量是下跌了。

若果好似你咁講人仔升值咁好咁正：

「人民幣升值反而會增加出口。因為各國都預期人民幣再升，好自然會多入貨。」

中國政府駛鬼同美國政府為匯率問題劍拔弩張、打貿易戰呢？

美國叫你升值，咪升俾佢囉，反正對中國出口大有好處，而且又不用得罪美國政府及美國國民，不用被全世界都媽叉你操控匯率，讓世界經濟不平衡。

2010-11-23 01:05:25 補充：
也用不著溫總去開G20時苦心婆心解釋，人民幣若急升，中國的企業會大量倒閉？人民會大量失業？人仔緩慢升值，中國已付出力所能及的代價？

2010年10月07日 13:53:02


溫家寶：人民幣升值對中國和世界都不是好事
第十三次中歐領導人會晤於2010年10月6日在布魯塞爾舉行。中華人民共和國國務院總理溫家寶代表中國出席了會晤。歐洲理事會主席赫爾曼•范龍佩和歐盟委員會主席若澤•曼努埃爾•巴羅佐代表歐盟出席了會晤。



溫家寶在峰會上強調，人民幣升值過快對中國和世界都不是好事，對中國經濟和世界都是災難。

2010-11-23 01:07:50 補充：
而在峰會前的一個工商界論壇上，溫家寶也呼籲歐盟不要再催逼中國加快人民幣升值。他說，如果人民幣不穩定，或者短期內大幅升值2至4成，中國很多工程會倒閉，給中國社會帶來動蕩，若這種情況的發生，對中國經濟和世界經濟都是災難性的打擊。

在峰會中，溫家寶強調，中方對人民幣的立場是繼續以循序漸進方式增加人民幣的匯價彈性。

2010-11-23 01:08:46 補充：
http://hk.ibtimes.com/articles/1650/20101007/wenjiabao-renminbi.htm

2010-11-23 01:10:27 補充：
願聞其詳

2010-11-24 11:10:46 補充：
知識庫將軍

sorry sorry.....寫以上補充時，語氣、態度都有點不好....請見諒。

我不說甚麼真理越辯越明這些客套話了，在yahoo知識，難得有高手指正、賜教.....有高手自遠方來不亦樂乎！

我剩係知攪到啲嘢好貴.