關於瑞士入境問答

基本上, 如果你係香港接受教育而又順利中學畢業的話, 英文程度會有返咁上下. 點解你會覺得一樣自己學左最少 14 年嘅語言 / 知識會咁不堪一擊 ?? 朋友, 香港教育唔係好, 但都唔係差都咁樣...到訪外地, 移民局人員唔介意你唔識英文, 只會介意你講大話 !! 所以只需要有碗話碗, 有碟話碟. 問你咩, 你就答咩. 你可以諗下點講, 但千祈唔好作. 人地見鬼多過你見人, 你覺得你講大話佢會唔會唔察覺 ?問題大致上只係 "點解到訪當地" , "停留幾耐", "住係邊度", "幾時走", "下個目的地係邊", "有冇親朋戚友係當地" 等等... 所以你係唔會唔識答嘅... 當然如果你可以準備一些文件, 例如放假信, 回程機票, 酒店 booking, 火車證, 行程表等等, 會幫到你手.但老實講, 咁多次我去歐洲, 一條問題都冇比人問過... 睇完 passport, 蓋印, 走得... 過關前, 去 toliet 執一執個樣, 精神 d, 唔好攪到自己偷渡咁. 大大方方行埋去, 越閃縮, 越問你...背答案唔係唔得... 但你背得幾多... 人地失驚無神問你飛機舒唔舒服唔得咩 ?? 你係背到好流暢就好, 背到甩甩下嘅, 死多兩錢... 總之隨遇而安. 香港人的名聲唔差, 被踢返香港的 個案只係好少好少...大把國內朋友 26 個字母都未識就去勻五大洲... 香港人學左咁耐英文, 怕咩呀 ??