✔ 最佳答案
我諗你反而去旅行社訂左套票先會好d
但其實一萬蚊真係唔夠,最起碼你都要預2萬左右,因為果邊d物價真係好貴,貴到你唔捨得用自己錢架(因為平既都唔方好,食個鮮茄牛肉飯都要60-70蚊港紙,仲要冇嘢飲送,m記個漢堡包都要成10蚊港紙,但超難食,英國人好中意食既fish & chips都要成2百幾港紙,但未必啱香港人口味)
我之前去果陣唔洗住酒店,住朋友屋企,淨機票就差唔多6千(已經係淡季)
航空公司︰
英航(我去果時坐過)-d位唔好坐,比較窄,係平d,
澳航-d人話澳航好坐d,同埋我去果時睇過同英航差唔多價
國泰-佢淡季有時會做d超平飛,連埋稅就5千都可以有找,但要早成半年以上訂先可能有買到!
維珍-聽朋友講service好,但貴!
酒店我真係唔知,但聽聞平極都差唔多一晚要一千蚊(cheap cheap都要呢個價)
所以你個budget得一萬就唔好揀英國啦,同埋你依家先plan唔太趕得切啦,and所有嘢都會係超出你個budget架,平平地台灣or泰國果d會好d!
2010-11-19 11:38:55 補充:
同埋你唱錢要留心,我去百年唱,佢係要你唱整數,冇散紙唱!
and london冇乜特別好玩,多數去聽歌劇同睇博物館,佢地d bar有分家庭式同pub果d,佢地d shopping mall都收好早,大概夜晚7點就收,有d country d既6點都冇人架啦!
食嘢你要食唐餐可以去唐人街,但味道冇香港咁好,不過有d平價唐餐buffet,或者你睇下邊d酒店可以俾你煮嘢食,因為喺果邊最平既係去supermarket買嘢自己煮!
希望幫到你!