✔ 最佳答案
通常燉豬展.
去買一舊新鮮豬展, 大約廿零蚊, 叫肉檔幫你切開四五舊
豬展肉先出水 - 煲滾一煲水, 加入豬展肉, 再滾後煲多5分鐘
倒左啲水, 再沖洗一吓啲豬展肉
燉盅底放花旗參片, 放埋豬展肉, 加入熱水, 加上盅蓋, 放進大煲內, 再注水入大煲內, 浸住個燉盅, 水位大約去到燉盅的四份三, 冚好大煲蓋, 大火加熱至水滾後, 調較到中細火, 保持水微滾, 燉大約三個小時便成, 臨食時加少許鹽調味
可以加兩三粒蜜棗, 或無花果, 會香甜啲
花旗參, 功效清熱提氣, 不過要買啲貴啲好啲既花旗參, 果啲廿蚊一大包既就無謂浪費柴火呢! 無花果滋潤同止喘
燉品記住要食埋啲渣, 豬展肉會稔甜好多, 瘦肉又鞋又乾