去台灣讀大學定讀IVE好..

我見到樓上答案有少少想笑。

冇錯，係台灣讀書台灣工作的確比香港易搵，但台灣讀書，你要明白，台灣學位多，大學更多，你中六畢業要去考台灣華橋試，考到就比你升台灣既大學，但台灣d大學唔係間間都好，香港政府其實係唔承認台灣學歷，當然，你係台灣國立大學畢業就例外。

台灣既大學一年費用大約萬幾蚊港紙(公立大學)，私立大學加倍，ive係香港一年要4萬幾，如果你讀自資課程，政府資助大約減半。

台灣大學重中文，你中文都未必得，到台灣又如何發展？基本中文都未解決到，台灣大學要讀埋古文，你又如何呢？

你d frd話ive冇用，咁睇你讀咩科啦，ive重實用性，起碼有一技之長，你去台灣讀考古，香港邊d公司會請考古畢業？唔係為興趣讀考古想為生活就死左佢算！

係台灣讀大學，可以打兼職，但有限時間，一周唔可以打超過特定時數。

讀完台灣d大學，你係老闆，你會請返台灣人定香港人做先？除非你成績好，否則老闆一般請返台灣人，易d溝通嘛！你老闆幫到你申請工作證你緊係可以係台灣工作。

至於ive，睇你讀咩科，有d科出到黎好有實用性，一畢業都搵到兩萬幾，例如搞創意媒體，電腦之類。讀書最緊要努力，有好成績，唔係話冇用同有用。出到黎老闆睇成績多於睇學校，仲有見工時談吐等，學校反而係次要。

https://sites.google.com/a/ncnu.edu.tw/overseas/content/a01

想知多d就上台灣既網站睇啦！


2010-11-10 00:00:31 補充：
應該咁講，依家334，中六第一年多數入到去，細節都未公布。你比網址果個係for 舊制生。新制應該未公布收生詳情。

首先你唔應該問個對你有用，而係邊一樣係你有興趣。你冇興趣，幾有用既課程都冇用。仲有，讀得工商管理，點都有d基礎，出到黎考埋牌，都未必輸比大學生。當然，萬一升唔到上u，出到黎社會做返兩三年野，晚間去大學讀兼讀學位一樣成功。

2010-11-10 00:03:00 補充：
ive係科科都用英文教，但會用中文做輔助解釋。如果你根據你比我果個網址睇，呢兩個課程不是政府資助，一般要4萬上下一年

2010-11-10 21:44:09 補充：
ive 334收生應該同舊制收生有分別，因為冇左CE同AL，所以收生標準一定嚴格過CE收生。你睇果個係CE收生標準。可能四科主修科要LV 3先叫最低收生要求。

搵唔搵唔到，唔係取決於學位，你讀完出黎成績差，都係冇用。就算你畢到業，成績未夠，就算讀商業都係冇用。

睇睇知專里程果D多數係自資。其實好簡單，學費平D既，萬幾蚊一年個D多數係政府資助

2010-11-10 21:46:38 補充：
樓上果個東涌達人，台灣用中文讀又如何，除非你係台灣工作長住，否則返到香港，政府唔承認台灣學歷，老闆對台灣唔熟，又或者除非老闆係台灣有生意，唔係有幾多個梁文道出現？

未回歸前，台灣學歷係香港仲會吃香，回歸後台灣學歷根本冇咩用，梁文道？究竟呢個世界有幾多個梁文道？

讀ive冇錯係要英文讀，台灣大學用中文讀又如何？最後返返黎香港工作，味又係要用英文。

2010-11-10 21:51:33 補充：
你讀經濟，工商管理用中文讀有屁用？讀得呢d一定要同國際間合作，呢方面英文唔好，同邊個打交道？同台灣人呀？大陸讀經濟，工商管理都用英文讀，同緊國際接軌，你係台灣用中文讀呢d科，你去到邊味又係冇用！係台灣入跨國公司做呀？又係要eng好！你係台灣用中文讀呢d，簡單d講係冇用！

讀完都係嘥氣，味害死人啦你

2010-11-11 22:41:30 補充：
首先，大學最低收生要求只係一個標準，但學位有限，每年得萬幾個，但全香港有十幾萬考文憑試，你話最低要求係味等於冇用呢？

而已，大學系都未完全公布收生標準，但一般都係LV 3。

係IVE經濟畢業唔一定唔可以出黎做野，要睇返老闆要唔要。要睇下大學收唔收你，前提係你要成績好，唔係大學冇可能收你，咁你就逼全出黎做野啦！

2010-11-11 22:45:32 補充：
用英文讀經濟，最麻煩係D專業名詞，你用開中文讀，要用英文讀就要背返呢D名詞。一般用中文讀雖然令你成績好D，令你明白D，但出到黎社會，都係要識ENG。台灣大學用中文讀，你除非係台灣發展，唔係返到香港，又係唔夠人地爭，點都蝕過其他人。至少係呢一行發展，ENG一定好重要，唔係點樣同國際接軌？香港係國際金融中心，好多跨國公司，都係香港設辦公室，好多外資銀行都係香港設辦公室，甚至用香港做跳板打入大陸市場。用中文讀，一定比其他用ENG讀開既人蝕抵。

最低限度人地公司講既野，都會主要以ENG為主，你唔識人地既名詞你都係死。文件用ENG寫，你既思維停留係中文到又係死！

2010-11-13 19:59:56 補充：
我諗你真係唔知出面世界係點。ive同副學士一樣，統稱副學位，每年副學位升大學率好低，大學二年級比副學位人升學得2千幾個位，你話係味要好努力先讀到？每年考AL既人有4萬幾人，但得1萬2千幾人升到YR 1，你話係味好難升？

台灣人英文都唔係好。大陸人英文同台灣人既英文都係好極端，英文好既人就真係好好，英文唔好既人就真係唔好，連Hotel都唔知係咩。大陸人成本字典都可以背得到，d詞彙量好多，好多深字都識，香港eng老師都唔識既深生字佢地都識，但文法就差好多。大陸學的是美式英語，台灣是英式英語，香港是英式英語。

2010-11-13 20:02:34 補充：
台灣讀大學好多都係中文讀，你除非真係留係台灣發展，唔係香港地真係冇得生存。係香港搵工點都易過係台灣搵工，香港背靠大陸，點都有好多著數，台灣同大陸雖有三通，經濟交流多左，但台灣仲未同大陸統一，好多野都發展唔到，台灣經濟近年差到死，陳水扁八年統治令台灣倒退十幾年，排名在四小龍之末，你話係香港發展好定台灣發展好呢？

去台灣吧！
點都算係大學，反正你唔鐘意讀書，去邊度都一樣，去台灣讀大學講出唻，都高級些。仲可以快一年出唻賺錢....

兼職較難，台灣近幾年經濟不好，他們也不象工作。

如果畢左業..老細又幫我申請工作證既話..咁我係唔係可以係台灣做野?
可以的！例如：你可以試下去搵 壹傳媒，佢地喺台灣有報紙、雜誌、同電視台，也請香港人做野。

重點::係台灣大學畢業 係台灣搵工易D定係香港搵工易D?
一定係台灣
將來大陸同台灣，兩地認證後，更可以喺大陸搵工！

如果讀些冷門的課程，即係香港大學都冇的課程，咁連香港機構也會請你做工，例如：考古學。

2010-11-10 14:33:29 補充：
台灣用中文教學，唔識聽都可以睇書。

香港，就算ive的課本都好多手英人，你點睇，真係想臨急抱佛腳都冇可能。

考試、功課香港，都要用英文，就算你識答，都眼達唔到，嘥氣啦，只會越讀越洩氣，最後放棄.....人生有幾個十年，放棄得一次，就會有第二次.....成世人，原本不錯的根基，就俾英文兩個字玩榭......幾咁on居兼冇意義呢？

台灣用中文交功課，同考試，點吹水都吹得掂啦....

我認識好多好似你咁話自己唔適合讀書的人....在台灣的大學的天地里，第一次 搵到自己的天地，成功感....最後學有所成的......

就算沒學有所成的，最後都輕易過關，早點在社會上混混噩噩過日子，豈不崑哉？

2010-11-10 14:34:03 補充：
就算ive的課本都好多係英文

2010-11-10 14:39:48 補充：
不一定讀古文....台灣的心理學、社會學、經濟、工商管理、政治、傳播、哲學、神學 都係用中文教.....大把有得揀.....你睇吓梁文道 家下幾掂.....咪又係台灣讀 社會學的，他自稱英文很差.....

2010-11-10 14:44:04 補充：
其實，講到讀書，不論ive 或台灣，閣下都好應該盡一定本份的.....台灣的好處是用中文，到你真的想盡本份時，仍然有機會追得上.....ive 用英文，你要從頭學英文，點樣追功課同考試......