[ 家庭 ] 家人管住曬

有ｄ父母的確唔識獎勵/鼓勵，事實上佢地幫你交左學費比你返學，努力讀書考好成績呢d都係你應該做，讀書好係為你自己將來著想架，唔係好似你d同學咁，因為想得到某些禮物先去做。每個家庭都唔一樣，唔好跟其他同學比喇，係我角度，如果父母下下都要拎件禮物出來引誘你先有動力去做的話，就好易寵壞人呢。

不過你唔開心都明白，人人都喜歡被關心同鼓勵，或者平心靜氣同父母反映下，唔好開口埋口話要D咩物質獎勵，你都係想佢地關心同唔好淨係鬧姐。

不如你嘗試同你父母傾下啦!你讀書今叻!少少獎都無!你有咩唔開心同你父母講!佢地會樂意去幫你!或者你講完你個心都舒服D!

點解你可以有書讀, 點解香港咁多窮人想讀書, 九年免費教育之後, 就比屋企人迫住攞家用番屋企?
點解香港人做鐘點可以有50-60蚊一粒鐘, 點解菲律賓工人同印尼工人離鄉別井都係得 $3580一個月, 點解佢到有d大學畢業都係得咁多錢?

點解大家都係中國人, 大陸咁多人想移民來香港. 點解大陸買嘢比較便宜d

點解你可以四肢發達, 正常番學放學, 點解有d人要坐輪椅, 自己唔可以照顧自己
點解你有屋住, 唔洗瞓天橋底

點解人地d仔女咁孝順父母, 不用父母操心學業, 又幫父母打理家務, 洗碗拖地 抹窗, 湊細佬妹, 亳無怨言,

點解你父母生你養你, 細時幫你處理大小二便, 你瞓左佢先有得瞓, 日日番工咁辛苦, 你多謝都無聲, 做番小小本份就好似天大功勞, 難道他日你考得好, 搵到錢又關佢地事, 你會攞晒全份人工番屋企? 你唔洗做荼餐廳士應, 唔洗受氣又關佢地事? 你讀唔成書, 出來社會做卑微工作, 比人睇小, 係佢地得益多d? 你讀唔成書佢地最舌底?

你想好似d同學咁childish, 十幾歲人重要人地啖, 完全唔關心人地感受, 只以自己為中分, 好似有$女amanda襲警d公主病點黎?

呢d叫做人比人, 比死人, 佛經有云: 各有前因莫羨人, 各有後果莫說人, 若莫前世因, 今生受者是, 若問後世果, 今生作者是. 點解要同人比

而且, 你專心讀書, 將來最大得益者只是你自己.

做人要positive才開心, 有前途, 也令身邊人開心, 只focus在自己有的東西上, 不要focus在自己沒有的東西, 有時間去library借本, 我變快樂了. 好好睇, 其中一段,: 很多人只記著自己沒有的東西, 浪費人生, 後悔莫及, 就如去到超級市場, 難道你告訴售貨員, 我不要牙膏牙刷, 不要蔬菜, 壽司, 榴槤....咁你係售貨員你會點問?: 小姐, 咁你究竟想要乜野.

重有, 人大了要學習與人溝通, 發表自己想要的東西, 家庭可提供一個不用收錢及可以原諒你的環境,

最後, 世人為其他人著想最令人敬佩, 如黃福榮, 許細文, 如美國總統kennedy名句, 不要問國家可給你什麼, 要問自己可為國家供獻什麼

我認為其實佢地可能覺得你有進步空間，可以再做好D。唔好咁唔開心啦，其實佢地係好開心架！不過佢地可能唔想你囂張，所以先沒表示。你都唔駛理d同學講，專心讀書就OK架啦！

我都係咁啦 =]
唔洗唔開心
天下間 比你更unhappy既人 多的是
我都係band1/band2 學校 '
成績全班第一 佢地冇理
我考到全級果10 佢地都係冇理
哦 一聲都冇
佢地唔係聽唔到

其實好多父母都係咁架啦 ~
就算唔開心都冇用
不如下次再考好d~
佢地有冇鼓勵/讚下你都好
最少 你可以學多d野

我只係一個普通的中學生
但係我明白 如果父母比太多獎勵
例如冇唔合格比i pod ?!
反而會令到我:為左利益而讀書
\唔可以因為想學到新知識而讀書

我呀爸呀媽都唔比我學野
驚我分心學業
以前呀爸呀媽都唔比我出街
但係有一次我同佢地傾完之後
佢就比我出去啦 =]

多d向父母表達自己既意見啦
講左冇死
唔講既話 佢地都唔知你點諗
一味以為自己岩

你努力 係為你將來
唔好諗住靠運
我學校成日講既一句話
運氣只會去敲那些 做好準備的人 既門

呀~我唔係果d咩咩咩
叫你好好讀書
叫你考順 果種人
我只會叫你

做好自己