想開恆生銀行戶口,最少要放幾多錢??

[匿名]

2010-11-08 3:12 am

想開恆生銀行戶口,最少要放幾多錢??

個戶口,主要係用黎做買賣轉帳

即係我間唔中都會係網上賣下d野,金額不大,約幾百蚊一次,1個月1-3次.....

有時對方用匯豐銀行or 恆生銀行,搞到入數俾我好煩,有時因為對方唔肯去中銀櫃檯入數,搞到好難先賣出

咁我想方便d人轉帳俾我,同埋唔想用屋企人戶口,唔係好方便.....

所以想係恆生開番個戶口

我夠18歲,但只係學生...

想知開戶有咩要準備??
洗唔洗通知屋企人架??
恆生銀行最少要放幾多錢???
開提款卡一年要俾幾多錢???

我中銀戶口係屋企人同我一齊開,係十幾歲果陣.....所以唔識開戶口

謝謝回答^^

更新1:

多謝Wilson Chan回答要開提款卡戶口,最少要有$1係戶口??? 3個月內的住址證明...如果冇,要點做?? 開戶存款要$500,係咪即係至少要放$500係戶口?? 如果,人地用匯豐銀行轉帳去我個恆生銀行,洗唔洗俾手續費架?? 同埋恆生有冇銀行存摺???? thx

更新2:

ATM儲蓄户口需唔需要交年費等等果堆雜費??? thx,答得幾詳盡^^

更新3:

匯豐銀行同恆生唔係同一集團咩?? 我屋企人都可以匯豐轉帳到恆生......

回答 (1)

用戶77533

2010-11-08 3:26 am

✔ 最佳答案

我幫你解答啦,最近我先開左

建議你申請個ATM儲蓄戶口
至於要準備D咩?如下

1:)開戶存款$500
2:)3個月內的住址證明(要有自己個名的信)
3:)身份証

問:)洗唔洗通知屋企人架??

答:)唔使,你鐘意可以同拒地講

問:)恆生銀行最少要放幾多錢???

答:)如果係開ATM既,最低存款係$1

問:)開提款卡一年要俾幾多錢???

答:)提款卡係唔使俾年費既

2010-11-07 20:26:22 補充：
你中銀個戶口有無提款卡?有既攞張提款卡去中銀分行
同D職員講話唔記得左個密碼,拒地會即時收翻你張卡
同即時俾翻個密碼你,再係4-5個工作天寄番張新卡俾你
個封信一定有你個名啦,我上次都係咁做^.^

即係開戶個陣要存$500入去個戶口到,當然開完之後可以攞番

只可以用櫃員機互相取款並不可以互相轉帳。
轉帳方面只可以恆生轉恆生戶口,匯豐轉匯豐戶口

我記得儲蓄户口有3種,其中一種係有簿仔兼最低存款額$1

2010-11-07 20:29:18 補充：
ATM儲蓄户口只有提款卡係無簿仔架

2010-11-07 21:00:28 補充：
ATM儲蓄户口係唔使交任何雜費及年費
而且每個月都會寄一張月結單俾你

我上次問個銀行職員拒係咁同我講,因為我無試過所以我唔敢肯定

👍 0 👎 0