NEX3 可否換過支1.4光圈的鏡頭呢

NEX3暫時可以用既原廠E-mount鏡頭支支都係細光圈,要散景只可以用長焦距既SEL 18-200mm f3.5-6.3.不過一來貴,二來笨重,三來工作距離會好長,好唔方便,四來比較易手震,缺點多多,唯一好處就係有自動對焦.
幸好NEX3這類換鏡DC,由於接環比較接近感光完件,所以係好容易加轉接環接落其他廠的鏡頭使用的.呢類轉接環現在很流行.好多賣攝影器材配件既店舖都有,如果唔知去邊度買,可以去旺角星際城市睇下.好多店舖都有.
不過有個好大好大缺點就係冇自動對焦.如果配其他廠鏡頭,應該測光,自動光圈,快門乜都冇.要以全手動拍攝.
即使配翻Sony原廠接環,都係冇自動對焦的.這也是無可奈何的事情,要自己習慣.不過現階段有個曙光就係Sony會開發可以提供自動對焦的接環(幾時有或者最終有冇都係未知).支援有鏡身摩打的A-mount鏡頭,即係Sony數碼單反既鏡頭,所以現在最近磅既就係Sony 50mm F1.8 sam.因為佢有摩打,日後可能用到自動焦,又唔貴,只係$1000左右.
換過支就唔建議喇,除非你唔怕重用18-200mm.