BB唔肯再咪身食人奶

我都試過, 我嗰陣係因為一邊餵到另一邊餵唔到, 所以餵唔到嗰邊要泵出嚟用奶樽餵, BB兩個月大左右就發生你講嗰個情況, 一埋身食, 食幾啖就大喊, 用奶樽餵佢, 佢就唔喊.

咁係因為奶樽真係唔使咁用力, 同埋奶咀出奶快啲.

但我都好似你咁, 係好想餵人奶, 初初餵唔到, 谷到幾痛都仲想餵, 難得後來通返唔谷奶, 佢又唔肯埋身食, 最後唯有餐餐泵出嚟, 但因為無埋身餵, 啲奶係唔多夠, 所以我係一餐人奶一餐奶粉咁餵BB.

好彩BB只係揀奶樽, 唔係揀味道, 佢只係揀奶樽, 我辛苦啲泵出嚟佢都仲肯飲, 但如果佢只係鐘意飲奶粉的話, 就沒有辦法了.

所以雖然辛苦一點, 我還是一直泵出來餵的, 直到BB五個半月大, 後來因為我同BB一齊唔舒服, 湊住BB自己休息唔夠, 到真係無奶, 先至停.

泵出嚟係辛苦過就咁埋身餵, 淨係洗樽洗泵都夠多啦, 但係我當時真係無辦法, 如果你真係想餵, 唯有係咁, 因為BB開始大, 呢啲係佢智慧發展良好的表現, 都係成長過程必經階段之一.

希望你可以堅持到啦~ 加油呀~~

我唔知你既奶量有幾多，不過若果佢啜幾啖就唔啜，多數都係因為懶！ (即係要比奶樽更用力先啜到奶)

所以你可以試下谷小小先比佢飲，咁佢一啜可以啜得多d，亦有多d奶比佢飲。不過大前提係要你再勤d埋身餵，仲要飲多d上奶湯水...呢段時間可能會辛苦d.....

um..佢唔食 飲奶粉囉.. 不過人奶係好多營養既,不過如果仍 唔飲 都無計咖

BB這麼細,最好妳是比單一奶給他吃,因兩種奶味都不同,BB很聰明的,什麼食物好吃,什麼食物不好吃,他是會知的,如妳想他吃人奶,就全程給人奶,如妳要泵出給他,就全程泵給他,也因奶樽和妳個胸既感覺都不同,他太細妳要全程給他,習慣一種過程,不要一時這樣一時那樣,祇會令他無所適從,試想下妳吃飯,一時用碗一時用盤,妳會有什麼感覺呀..在他食人奶之前,妳有沒有用自己隻手在胸部搓一段時間呀,這動作也會幫助他吃奶的,在他吃奶時,妳也可用手幫助他,用手在胸部揸下,這又是幫助他進食時,不須要這麼吃力.又可能妳喂奶時,令他的面部太貼妳個胸部,令他不舒服,所以會喊,祇要他食到奶頭便可以,不要太貼他的面部,或和妳抱他不舒服也有關,,,留意下自己那方面要改善啦...比心機養育他吧,每個BB都是很可愛的...希望幫到妳...