裝修應由誰去買料

其實這無所謂由誰去買, 最重要的是你選的裝修佬的信譽及良心, 此話甚講? 因你大可以包工不包料來給人裝修, 但這樣做, 裝修佬若覺得無肉食, 有可能會鑽空子偷工減料來圖利, 因你又不可以廾四小時盯著他, 材料搬出搬入又有誰知? 手工唔好又不能馬上浮現, 所以樓主要找些口碑較佳的裝修佬, 不要以為相熟的就可以, 因此行很多是唔熟唔食的。
裝修方面, 地板、磁磚、浴具、廚櫃...等, 由自己帶路(不是由裝修佬帶)去挑選, 自己落埋單俾錢, 這些只給人工便可, 連工包料的如 : 電掣(每個計, 可挑款), 油漆(每方呎計, 可指定牌子顏色), 水喉(銅喉, 全屋計), 房門(每隻計, 但可先看圖款), 木工(每橫呎計, 不計高度), 燈飾及泠氣(購買時可包安裝)若要玩花款亦可與裝修佬逐樣議價, 其他各項同樣。
最後, 要簽裝修合同及逐樣列明單價, 並注明留尾款五千或一萬(視大裝或細裝而定)於裝修驗收後半年才付, 以防要執漏時叫極都唔嚟。

裝修材料分面料與底料，例如英泥沙就是底料，磁磚紙皮石等就是面料，通常底料由裝修師傅去買，因為差價不會太大，但面料的磁磚等差別很大，所以多數自己去挑選，有很多時候師傅也會去幫眼可避免給人欺騙。