幾種3D眼鏡有甚麼分別？

單單用偏光鏡技術既3D眼鏡係睇唔晒所有制式既3D影片的.其實3D眼鏡技術來講除咗紅籃鏡,偏光鏡之外仲有一種主動式既LCD眼鏡.彼此各不兼容.紅藍鏡係好早期既技術,好處就係無需要3D電視都可以睇到.眼鏡也不需要一定購買,自己搵紅籃玻璃紙做都得.不過唔好處係顏色好唔準.雖然話軟件會較過色,但偏色依然好嚴重.電影院已經唔會用呢種技術.但有部份3D藍光碟,尤其係早期出嗰啲,係用呢種技術的,不過通常隨碟附送眼鏡.問題都唔大.偏光鏡眼鏡多數應該在電影院,3D電視也有,好處唔會有偏色問題,而且眼鏡相對主動式LCD眼鏡都仲算平.就算屋企人多要買多幾對眼鏡也不致要用太多錢,不過唔好處係要獲得最大效果的話,係需要對正屏幕坐.所以買飛睇3D電影唔好買到太側位.LCD眼鏡對比起以上兩種技術,算係最好,由於左右眼影像開關係直情喺眼鏡度做,所以觀賞角度斜一點也不影響3D效果,但唔好處係眼鏡好貴同要入電池,所以電影院影一定唔會用,如果屋企好多人的話,想買多幾對眼鏡使費都頗大的.

2010-11-04 20:31:51 補充：
咁你是否已經有3D電視呢?冇的話買都冇用.
有的話建議都係買啦,因為藍光碟應該唔多會再出紅藍鏡3D版.而且如果電視有2D變3D功能亦都唔支援紅籃鏡.
但係你要肯定你部3D電視係用偏光鏡技術先好,如果係主動式LCD眼鏡就唔可以買偏光眼鏡,會得物無所用.

2010-11-05 20:43:45 補充：
咁奇實買偏光眼鏡都冇用,因為呢種技術要顯示器支援先得,你只可以睇紅籃鏡既3D視訊.