點解養魚咁容易死！識養魚的人幫幫手！

唔好甘無心機啦! 啱啱養魚死鱼好正常,養下養下就得架啦!

設備方面你可能差小小野,如果無呢d野就要加番。

你有無裝(水妖精),係黑色海綿用個氣泵打氣既,
呢樣野可以制造出良好硝化細菌,d魚會好養好多,
旺角金鱼街(卡奇水族)有得賣,十幾蚊有一個。

而家天氣凍左,養魚d水温要保持26度至27度,唔係好易冷病d鱼,
一定要加番暖管,天氣得番十幾度果陣時,要用熱水爐換水,
用手試下d水温,凍過隻手小小就可以用,
因為换d太凍既水入缸,都有可能會整死d鱼。

温度計都一定要有的。


揀鱼方面:

最好唔好買袋鱼,因為袋鱼好難睇到條鱼狀態好唔好。

買缸鱼時要睇下條鱼無缩旗,無d白色野痴住係旗,無爛身,
要有(追手),即係放隻手上魚缸顶成群鱼會追住你隻手,
甘代表缸鱼養定左,可以買。

如果真係要買袋鱼既話,就揀d鱼無缩旗,無d白色野痴住係旗,
無爛身,缩左旗d鱼唔好買,買左番去實死。


飼養方面:

放魚之前一定要落食用粗鹽,每10公升水落一匙,食飯盒果隻匙,
計算公升方法,水位計: 長?吋x闊?吋x高?吋÷62=?公升
d魚如果唔落食用粗鹽先至放鱼,d鱼會好容易死。

落左食用粗鹽之後將成包魚浸入魚缸等30分鐘,然後剪袋,
袋裹面d水全部唔要撈條魚入缸就搞掂。

一星期换2次水,每次換1/3,
千其唔好换太多,因為直接换水喉水d細魚受唔住太重氯氣會死,
每次換完水要加番食用粗鹽落魚缸,換左幾多水就加番幾多比例食用粗鹽落缸,
都係10公升水落一匙,係魚塲既人教我,
任何淡水魚如果唔落鹽養會好易病,好易死,由其係d細鱼。

每日餵一次急凍紅蟲就可以,
餵魚糧都可以,不過營養無餵紅蟲甘好。

養魚其實一d都唔難,比d心機就可以,
我知你一定會掂!

希望你可以養到一缸健康既鱼兒啦!

我前幾日買咗養六條錦鯉,爸爸再幫我弄,再放d氧氣珠,同埋另外六條錦鯉同嗰兩條魚都放入魚缸,我見到d魚逼嚟逼去,問爸爸:「使唔使換個大d既魚缸?」佢話:「唔使」,之後過咗3個鐘,死咗兩條錦鯉!

2011-04-19 14:20:16 補充：
之後媽媽為咗安全起見,換個大d既魚缸,依家呢六條魚好生猛喺魚缸到游水,我好想知,到底死咗嗰兩條魚係咪真係太逼而引致死亡既呢?

可能你的魚有一些你不可看到的病。

1.可能你換水 換得太密 (水質要穩定) 換一成至二成
2.有 D package 魚本身有D問題 所以買到好平> 藥粉吊命(水質特別黄)
3.你D水可能干淨 D魚不可能立即適應 (剛剛買返黎D魚水要留返.再慢慢加你缸D水)

4.你缸水有毒 洗缸 曬缸 (你平時點洗缸)

你快ｄ同你賣魚that people講find啦！可以佢賣嘅魚有病。

有好多原因可以導致條魚死亡
不過你講得唔係咁詳細
好難答你

問:
每次換水換幾多??
缸入面有冇d唔係魚類ge生物??
你養ge係咩魚，有冇用暖管??
等等

如果你係新手
建議你上某討論區做下功課先
有唔明問下人