汽車鮑魚, 唔同POT有咩分別?

POT 係指 Brake Caliper 迫力夾(俗稱鮑魚) 入面嘅Piston (俗稱"遮"), 負責推迫力皮埋去迫力碟度磨擦, 令車減速.一般車車頭都係用1 Pot (鮑魚入面嗰邊推向碟) 或2 Pot (鮑魚內部每邊一個Pot, 兩邊推進, 夾住隻碟). 你幻想一吓你一隻手指, 推一塊百潔布, 貼埋去隻碟度, 就係 1 Pot. 你用食指同拇指同時推兩塊百潔布, 一邊一塊咁夾住碟嘅兩邊, 就係 2 Pot.高性能汽車, 同埋改裝坊間而家興 4 Pot, 6 Pot 甚至 12 Pot 鮑魚, 就係利用多D Piston, 去增加鮑魚可以夾住碟嘅力度. 用 6 Pot 例子, 你幻想一吓用兩隻手, 每隻嘅無名指, 中指同食指將百潔布夾住隻碟. 百潔布受多隻手指嘅力度就較一隻手指為平均. 亦都因為用上多個 Pistons, 咁每個 Piston 嘅 size 就可以比一個 Piston 要做到同樣夾力嘅效果細, 所以隻鮑魚可以唔駛做到咁高身, 咁就唔駛要用較大 (亦較重) 嘅輪圈去遷就.不過, 一般喺街行車, 用普通2-Pot 已經好夠用. 4 Pot 6 Pot 嗰D真係要你長期連續多次高速剎車先會有顯著分別, 同埋夾力夠, 都要你隻碟散熱散得夠快先得.

2010-11-02 19:14:02 補充：
多Pot嘅鮑魚因為分攤咗推迫力皮壓去碟嘅力度, 所以踩Brake 嘅 feedback 亦會好feel D, 不過都係嗰句, 真係要去到高性能駕駛情況先會用得到.

如果你個部係跑車~就要用多POT既鮑魚~因為開得車快時~好收d~