今年我既英文科老師，係我學期頭冇交兩次功課，之後就將我之後交既所有課業，收左之後全部都唔批改，又唔講咩事，又冇彈回頭叫我再做。當中包括兩次計分既默書同埋一次 test。
而佢既一句：I have no idea to mark your things. 最令我反感
佢咁樣講，之係同唔想改我既野就唔改有咩分別呢？咁既話對我既學業有好大影響，我想問下我可以點樣投訴呢位老師呢？
更新1:
我而家想知直接去教統局投訴有乜方法！ 因為兩年前我因為另一件事同第二位老師有口角，當時老師對住我講左句粗口同埋一兩句侮辱人既說話，學校知道左之後都只係輕微內部處分，我而家係想比個老師知我唔係佢中意點就點果D人 我冇交佢頭兩份功課之後，我雖然冇補交，但之後再交既功課都係正常咁做，冇偷工減料，佢唔改都算，但冇理由默書同 test 都唔改，呢樣我覺得好過份。
更新2:
回應番3號朋友既方法，我要好認真咁同你講，我做功課一直都係冇問題的，只係有時唔多夠自律，會遲一兩日交，我讀左咁耐都冇問題，因為老師見我遲交有時將我個分打折我都心甘命抵，但佢而家係完全唔改我所交既任何野，我覺得係佢既操守問題，唔係我個人既問題。 佢作為一個老師eq都咁低既時候我覺得我已經冇必要同佢傾落去，校方亦一定會偏私的，而且我而家想投訴既老師正正就係英文科主任，我認為一定要透過教統局先可以解決呢個問題。 另外，以我所知，佢已經將我既2分默書當0分處理。默左等於冇默，比著你你又會唔會火滾？
