倉鼠生病了

首先~你隻鼠養左幾耐先?
同埋你隻鼠幾時開始病架?
佢有無其他病徵?
隻鼠係咩品種?
講詳細d....

最好既辦法當然係睇獸醫
但睇獸醫你要有個心理準備
就係醫藥費會比你自己睇醫生仲要貴幾倍
而且鼠呢種生物好脆弱
就算醫生話幫佢做手術或比藥佢食
仍然有好大既機會會死

好多時養鼠既人都會面對一個問題
就係在隻鼠病得好嚴重時
究竟要唔要醫佢
有d要繼續治療既話
隻鼠可能會更加痛苦
鼠鼠好抗拒比人搞佢唔舒服既部位
但要醫佢就要成日勉強佢
我以前養既鼠比獸醫檢查身體時~發出既痛苦叫聲已經令我好難過
我幫佢抹藥
佢食唔到野要強逼用滴管餵食
佢好唔鐘意、好抗拒、好痛苦
我自己亦都好唔舒服~因為我都唔想咁樣逼佢


假如你隻鼠仲未係好老~同埋病得唔算好嚴重
我好建議你帶佢去睇獸醫
唔好期待佢會自己好番~又或者可以買d藥就醫得好
但如果佢已經好老~又或者帶得好嚴重
其實比番一個安靜舒適既環境佢~等佢好好過埋餘下既日子可能仲好...

你要帶佢去看獸醫啦.,．．．