菲傭未完約要返菲律賓,機票邊個比?

[匿名]

2010-10-30 6:23 am

我工人之前1份合約做左1年半,之後即刻黎我度做,合約滿1年個時話因為之前個合約佢無返過菲律賓,佢一定要返去,當時機票我幫佢比晒全數(來回),因為我唔知呢程邊個比~我同佢講話機票當係你完約個陣既機票啦,佢都話ok,到依家佢完左我呢份2年合約,佢話應該一人一半,其實係唔係呢? 走既時候我仲要唔要比機票錢佢呢?

回答 (1)

Shuk Yee

2010-11-03 2:58 pm

✔ 最佳答案

照理上次佢份合約未完要返去, 但若果佢無返去, 係應該佢自己俾, 因為上手僱主機票係做足手續俾埋佢, 或有些工人要求收現金但自己袋左無返去。若係你要求佢盡快來你家做, 咁就有機會係一人一半, 因為各有所求。但佢若果現在完約的話, 條數真係計番一人一半, 若工人好一點係佢可以自己全付, 不過好多工人好識計這條數, 又無明文規定, 係看看你同佢點傾。不過, 點都好, 他日工人離港, 我都係贊成俾機票佢而唔俾錢佢, 以免佢去套現又唔返去, 搞著下一個僱主。部份工人離譜到拿住張機票去嘈旅行社, 嘈得幾多囉幾多, 不過, 大部份旅行社不會理會。做僱主最好樣樣俾左佢要簽收, 對自己有保障。

👍 0 👎 0