工作時間的法律疑問+20點

我而家呢份工, 返五日半, 每日要返9個鐘,
我返左工之後先知原來我得半個鐘食lunch,
個上司話因為公司有提供lunch(要自費),
所以唔駛出街等位食飯, 所以半粒鐘就夠,
又唔可以揀出街食飯, 基本上成公司人都係得半粒鐘食飯,
由於我post係要聽電話, lunch成日食食下飯就要走去聽電話,
我自己本身又食得慢, 成日都要好急咁食完餐飯,
真係好辛苦lo
仲有丫, 好多時公司d活動, 例如一d總部搞既講座同培訓咁,
我上司就一定要我地參加, 如果唔參加一定要有原因俾佢,
好似"唔想去","約左人","男朋友生日"咁.....一定唔成立,
但係睇番其他分店, d活動都唔係人人參加,
通常其他分店都係50-60%出席率, 我地就95-100%,
我地上司好要面架, 乜都要出席率高.....
最衰既就係無得計ot, 全部都係私人時間出席活動,
d活動一定係星期六下午同星期日lo.....................
其實我想問
1)有無法例可以"保護員工的食飯/休息時間"?
2)其實以上敍述既情怳,有無違法的情怳呢?
3)有時去d活動係山卡拉地方....車程1-2小時不等,平時我返工都係20分鐘啫,其實如果有得計ot,有無法例係話ot應唔應包括額外車程時間架?
**真係唔方便公開我的帳戶資料lo...希望各位高手肯幫我啦...我一定唔會delete問題架**thanks a lot!!!