有關天文的電視節目

樓上Fazai真係大言不慚，買棺材唔知定。天文學唔係正統科學﹖！你個腦梗係跌到痴左。自人類有歷史以來就有天文學，而且全世界所有民族都極努力鑽研天文，到依家我地仲搵到3,000年前古人觀察彗星既歷史。另外現代科學幾乎可以話係由天文學既突破而來。如果無哥白尼根據二千年來既觀星結果而提出日心說，無伽俐略冒著生命危險用佢自己發明既望遠鏡觀察木星衛星，我地既科學絕對唔會有今日！人類史上最偉大既科學家，如牛頓、愛恩斯坦、玻耳等超級天才既理論大多數同天文學有關。不過當然，以Fazai呢類廢柴梗係唔知牛頓力學、相對論及量子力學同天文學有乜關係。

Fazai傻仔對天文學既認識等如零，所以先講得出以上膠論。大爆炸無錯係一個理論，但呢個係有裝滿幾千間圖書館咁多資料証明既理論，唔係好似Fazai呢類白痴仔廢up嗰種講左唔駛負責任，亂吹水既所謂“理論”。如果想話大爆炸只係吹水，唔該Fazai立刻係呢度推翻加莫夫既宇宙背景幅射理論、紅移現象、宇宙曲率等理論，並立刻解答暗能量及暗物質係點樣影響宇宙既演化，如果答唔到，就唔好再話天文學係無根據既科學！當然，呢啲困擾緊全世界天文學界既頂尖問題唔好話叫廢柴Fazai去解決，佢根本連我講緊乜都唔知，Fazai必須去太空館聽多十年天文學入門講座先得。

不過Fazai有一樣野廢唔晒，佢話discovery有好多天文學既紀錄片就係真既。事實上，要睇任何學術性既紀錄片，尤其係同天文學及物理學有關既大多數都只能睇discovery。但樓主又唔駛太失望。國際台星期六或日夜晚有時都會有唔少天文學節目，樓主可以留意。另外，太空館有大量普及天文既講座，而且程度可以好高，例如前排啱啱就有高人講完不同電磁波段天文學既最新發現，樓主得閒應多啲去聽。

這方面national geographic channel真的沒有這麼強,NatGeo強在生態及動物方面。

,tvb,天氣預告,講下笑!

,去yahoo打discovery就去佢個網到大把,不過事先聲明天文學呢加野唔好信足,佢本身係好理論,唔好信,佢的爆炸理論唔係好合理,加上無預測作用,唔合正統科學,我驚你比人洗腦呀!所以睇下圖片算!