✔ 最佳答案
你無講案情, 但只係睇你有條偷車, 都無乜機會罰款. 普通偷嘢多過$4000都差不多一定坐監啦. 如果你無偷車, 只會就無牌駕駛及無第三者保險駕駛上裁判法院. 咁就只會罰款及停牌 (或不准申領牌照). 但你有偷車, 會上區院.以下係我照經驗及參照上訴庭案例作嘅判刑估計:擅取交通工具 (違反香港法例第210章<盜竊罪條例>第14條) - 判監大約1年 (案例: HKSAR v WONG MAU KWONG - 1年、R v WONG PO WING - 10個月、R v LO KWOK HUNG - 1年)無牌駕駛 (違反香港法例第374章<道路交通條例>第42(1)&(2)條) - 判監大約3個月 (案例: HKSAR v WONG MAU KWONG - 3個月、HKSAR v NG KWOK HUNG - 2個月、HKSAR v KAN TAK-MAN - 2個月、HKSAR v 曾冠榮 - 3個月、HKSAR v 馮瑞良 - 4個月)無第三者保險駕駛 (違反香港法例第272章<汽車保險(第三者風險)條例>第4條) - 判監大約半年 (R v HO DING PANG - 6個月、HKSAR v曾冠榮 - 1年、HKSAR v 王家榮 - 6個月)其實無牌駕駛及無第三者保險駕駛兩條判乜都無關係. 大冚細咁計 (同期執行) 都要坐1年…
2010-10-26 23:44:09 補充:
**本來我唔答匿名問題, 廢事你睇完答案就删除問題, 浪廢我心機之餘亦影響我成功率. 但見你個問題可幫到其他網友, 即管答你. 希望你唔會睇完答案就删除問題, 令我失望.**
2010-10-27 09:22:31 補充:
如果係咁, R v TSANG KWONG YIN 案情最接近你單案. 有可能上裁判法院.
在TSANG KWONG YIN案中, 被告攞咗朋友架車, 半夜三更喺鄉郊周圍遊. 結果擅取交通工具判監4個月 (起刑點6個月, 認罪減1/3) 、無牌駕駛罰$2000、無第三者保險駕駛罰$3000及停牌1年, 上訴後停牌減至3個月, 其他不變. 你單案判刑會差不多.
祝好運.
2010-10-27 09:25:50 補充:
車主到現在仍沒有要求陪償, 係因為等你判咗有罪後, 攞住份判決書做証據嚟追你陪償, 可以做少好多嘢. 保險公司通常都係咁做.