得知懷孕後，應怎樣呢？

如果想去政府醫院生既，就一定要去普通診所驗孕，拎到一張證明你已懷孕既轉介信。拎住呢封信，帶埋地址證明，你同太太既身份證，你可以選擇去你住果區既政府醫院或者健康院登記

至於佢地既分別係，去政府醫院登記既話，可以即刻知道到你預產期果時有冇床位(一驗到有就去登記都多數有位)。有床位既話就會安排你大約12週既時候進行第一次產前檢查 (有D醫院多人D既就可能會再遲D) 至於之後要唔要到健康院做檢查，就要睇個別醫院既做法，例如QE就會係醫院檢查兩三次，正常冇咩問題就會轉去健康院做檢查。而廣華就會一直係醫院做檢查，直至生為止

另外去健康院既話，你去到都一定會幫你登記。每間健康院都會同一間政府醫院有聯繫，你去A健康院登記，多數都會去番佢聯繫果間醫院生BB。不過因為健康院要預留床位既方法係儲起一疊文件咁SEND去醫院既，所以就唔會即時知道有冇床位。萬一你遲左去登記，醫院真係唔夠床位，係健康院登記既孕婦就要揀過第二間醫院喇，呢方面就會比較麻煩D

而去健康院登記既話，多數一開始都係健康院做檢查。但係都會有機會去一次醫院，因為可能需要照一次超聲波。冇咩問題既話，就會番去健康院檢查，直到生為止

無論去健康院或者醫院登記，都一定要帶證實已懷孕既轉介信、孕婦同丈夫既身份證明文件同住址證明。醫院基本上係辦公時間都會接受新症登記，而健康院就多數會分新症登記時間，所以最好預先CHECK清楚

最後提你既係，去醫院做登記有個好處，就係有D有限額既普查，例如係廿週結構性超聲波普查，因為有限額既關係，一般去醫院登記既孕婦都可以參加。而去健康院登記既，可能去醫院做檢查既時候，名額已滿，咁就冇得免費做結構性超聲波檢查喇

1. 你要去私家醫生再驗多一次，如驗後報告是有的，
請私家醫生寫一封信給你想生 Bb 的醫院，證明你太太已懷孕，
用作預約生 Bb 及產檢。

2. 如果你太太有工作，要醫生寫多一封信給僱主，證明你太太已懷孕。

3. 最好問一下親戚/朋友，有沒有私家婦產科醫生介紹，以便作產前檢查。
開頭的12週是關鍵時間，凡事要小心一些。

如不明，就在私家醫生處問一下姑娘，姑娘會提供有關的資料給你們。

以上資料，希望幫到你們。

^U^