✔ 最佳答案
以牌子看 :
Canon S95絕對係首選既一部,以Canon多年技術,加上S系剛剛重新推出,
大光圈加上標準焦距,絕對有優勢於風景及人像拍攝,
另外我亦對比過C同P記,C記既相係「出色」過P記~
以發色成像看 :
同樣,Canon機一向成色同成像都係非常好,比較少牌子能夠比得上,
Sony都有人話佢既機係sharp,都係sharp在一支蔡司鏡頭,
否則佢真係好難有得比,不過我覺得佢成像都係不及Canon.
而Panasonic同樣係靠一支Leica鏡頭而質素有保證,
不過要同Canon有得比,要揀部配上高級鏡頭既系列先得,
就係LX系列,LX3兩年前被稱半專機皇,而LX5亦已推出,
用上新系列鏡頭,質素係有所提升!!
Panasonic ZS7主打係高倍變焦,
12倍變焦,25mm超廣角至300mm遠攝長焦距,由於機身細,
所以鏡頭光圈同係變細左,只有f/3.3,所以唔可以拎黎同S95比較~
呢部機優勢係包辦廣角至遠攝,所以旅行最岩用~
Canon S95主打大光圈,S系一向係賣夜拍,
f/2.0光圈加上高清攝錄,仲有幾種濾鏡效果可用,
玩snapshot快拍係一流既機種,但只有28mm廣角,風景都係爭少少~
Sony WX5就半大光圈既標準焦距機仔,
f/2.4光圈,24mm超廣角至120mm中焦距,風景至人像一流,
但鏡頭屬Sony G鏡頭,非蔡司出品,完全無吸引力,
最細光圈f/5.9,仲細過ZS7最遠端300mm時既f/4.9光圈,
只要環境暗少少,相機就唔掂,而要推高ISO,最後張相出黎可能你會發現有一點點
買機前要先問自己幾條問題先,要了解自己係想買咩機種:
1) 要遠攝定係普通影風景、大頭??
2) 影風景多定夜拍多??
3) Budget預左幾多??
4) 機身大既會唔會考慮??
5) 有冇牌子既偏好??
一般玩Snapshot、夜拍的話,我推介你買Panasonic LX5,
係所有機種中採用Leica較有質素既鏡頭,大光圈f/2.0-3.3,
焦距由24mm超廣角至90mm標準人像焦距不等,
改善左既雜訊控制、對焦速度加快、更換另一系列鏡頭,
畫質絕對改善好多,對焦速度比上代快,鏡頭焦距加長,
高ISO下表現亦有一定水準,絕對有好多人追捧!!
如果你想玩遠攝果類,我推介你買Canon SX210IS,
外形小巧、輕便,有黑、金、紫三色選擇,
有高清攝錄再加上攝錄用動態防震功能,拍片都有防震,
14倍變焦,28mm至392mm,旅行首選,惟光圈只有f/3.1-5.9,
但要細機身就要放棄大光圈f/2.8,要大光圈就要放棄細機身,只能二選一,
支援專業相機既模式 - P/A/S/M 程式模式、光圈先決、快門先決、手動曝光
相機內置魚眼、模式既相片效果~
上代SX200IS我用過,發色好鮮,拍片就算變焦至最遠都仲可以維持質素,
新一代機身仲要變薄、變輕左,所以非常吸引!!
