英國二戰~(李-恩菲爾德步槍)

手動式步槍,唔好要求咁多啦....不過說實話,李-恩菲爾德式既本身射速(即係唔關操作者既因素)已經比其他既手動步槍好d(包括Kar98k),因為佢既李-恩菲爾德式槍機將後拉同旋轉呢兩個程序暢順地一次過做完,而唔需要分開兩次做(先後拉後旋轉),所以射速會好少少(當然會有問題,包括冇毛瑟式咁實淨,唔可以射更高壓既彈藥)
此外,設計者亦安裝左固定式盒型雙排彈匣用以裝彈,唔駛拆成個彈匣,而直接通過機匣頂部填裝彈夾,而且雙排彈匣代表唔一定射哂成個彈匣既子彈先再裝填,從而可以拉高持續射速

而且英國軍方亦都知道手動步槍一定唔夠機槍鬥(記住,李-恩菲爾德步槍係一戰前既產物,個時半自動步槍仲係一件天方夜譚既物體),所以佢地係訓練既時候已經不斷強調點樣訓練士兵成為一個熟練同準繩度高既李-恩菲爾德步槍射手,盡量提高單支射速;軍方亦十分注重小隊隊形,以在短時間內將盡量多既彈藥投射出去,希望以準繩度同操作者本身以彌補手動式步槍事實上單支射速比半自動步槍同機槍慢既問題

希望幫到你啦(可能有d離離地題)

手動式步槍要做到快速射擊係冇可能