世界龍岡學校劉皇發中學

唔介意行又岩時間既話, 可以搭逢星期一至六07:30同07:50由寶達開出既 13P 去到 太子鐵路站 分站落車, 之後向前行去路口, 左轉入界限街, 直行約5-7分鐘後, 會見到有個212既巴士站, 左邊就會見到世界龍岡學校劉皇發中學
13P非空調車費係$4.4, 空調係$5.8, 車程約40分鐘, 步程約7-9分鐘

其他時間最平方法係搭 13D 去到 淘大花園 分站落車, 同一個站轉 2A 去到 石硤尾街 分站落車, 之後向後行去街口, 右轉入石硤尾街, 直行去到界限街, 過馬路去左邊就係世界龍岡學校劉皇發中學
車費係$5.8+$5-$3.7=$7.1 (減$3.7係因為13D同2A有八達通轉乘優惠), 車程約60分鐘

最快方法係搭 95 去到 太子鐵路站 分站落車, 轉小巴 21K / 46 / 70 去到 九龍殯儀館 落車, 之後向後行到去右邊第三個街口右轉入詩歌舞街, 左邊就係世界龍岡學校劉皇發中學
車費係$6.2+$3.3=$9.5, 車程約50-55分鐘

或者搭 95 去到 侯王道 分站落車轉 12A, 去到 深水埗楓樹街 分站落車, 之後係前面個路口左轉入楓樹街, 再右轉入詩歌舞街, 世界龍岡學校劉皇發中學就會係你右邊
車費係$6.2+$4.4=$10.6, 車程都係約50-55分鐘

肯行既話, 亦可以搭95去到太子鐵路站分站落車, 之後沿太子道西, 荔枝角道, 界限街行去世界龍岡學校劉皇發中學, 步程大約要15分鐘

至少你有出發地點才能幫到你,否則只可叫你行路,踏單車或搭的士