玩到個心散哂...

做每樣野都要一段時間適應

試下限定某段時間一定要溫書, 就算唔溫書都要坐響度, 唔可以走左去, 例如開頭每日溫一個鐘, 溫完可以做自己鐘意做既野; 又或者每日一定要睇兩頁書, 睇完先可以做其他野, 慢慢培養返習慣先; 再慢慢加時間 / 數量

眼瞓的話先瞓十至十五分鐘, 瞓到夠就要下定決心起身溫書

如果環境太嘈, 太多引誘, 坐得唔舒服, 最好換個環境, 例如去自修室
個人認為環境都幾重要, 坐得唔舒服, 又點有心機溫書; 嘈得滯咁多野搞, 又點專心到


我讀中學時都係咁心散, 我唔聰明, 相信將勤補拙, 可以坐足成日溫書但溫唔入腦(瞓教/發白日夢), 結果事倍功半, 就算校內試明明溫左好耐書, 成績都是中下; 公開試往往也只有 full cert.。後來先發現讀書要有計劃/有時限, 唔可以比自己坐成日溫書, 唔得有效率, 睇咁耐書對眼都累, 不利第二日溫書, 所以要留返d 時間做自己鐘意做既野, 咁樣就唔會感覺太辛苦, 心情又得到鬆弛。我自己溫書前會計劃下今日要識到d乜野先, 總有d重點, 溫完書之後必定要記得, 唔係溫完就會覺得好似無溫過咁, 到考試時乜都唔記得, 但明明溫過晒。

其實我都係咁,
成日都好想好想比心機去讀書,
但係一見到電腦呀blablabla果D野就開始心散
btw當你見唔到的時候會好D

你不如試下去自修室
我就係去fd到一起溫 有人話咁會掛住玩 其實唔係
同fd一起溫唔識可以一起解決 印象仲好深刻嫁

其實讀書唔係逼到嫁,,
你愈想好反而愈差
但係講到尾都係要對佢有interest先得啦,,
試下望住D書講ILOVEYOU啦XDD可能會好DXDD(just kidding)


anyway比心機啦-)

ha10;)
我今年f2
舊年f1既時候..d成績同操行都差到你吾信
總之系全級最差果d啦..
今年暑假..我系甘比人鬧同串
睇死我f2又系甘..
於是我下定決心今年要做好; )

只要你諗下自己既成績有超大進步
成班人都o晒咀甘望住你
吾會再睇死你
甘樣你就會有心架啦><
真架 我系甘逼自己
到到依家 我暫時仲未比人扣過分呢;)
同成績都好左少少^^

2010-10-19 21:22:07 補充：
仲有呀 要少d同令你心散既朋友一齊玩
盡量識一d成績好既人; )
甘樣就會開始有心讀書
要讀書 除左要有決心
朋友既支持亦都吾可少!!

這是你的定力及自制能力不足有關，而這些除了個人堅持外，尚有朋友的因素，正所謂近朱者赤，近墨者黑，就是這原因。

要改變自己其實很簡單，首先從自制開始，先幫自己設定每天的坐息表，然後按照坐息表行事，誰來都不能打擾你的生活；其次就是在班上找一些愛讀書的同學作為好朋友，這些你便能由他們的行為所感染而變；其三是若有多餘的時間就多看課外書，因是課外書，你沒有太大的壓力，這樣久而久之，你就會愛上讀書。