5年喇..接唔接受好?好長

1.你過唔到自己個關
2.你唔想試左佢之後仍然係過唔到自己個關,傷害左佢亦都傷害自己
3.你唔肯定自己係咪真係對佢有感覺
4.你想搵一個比到自己安全感既男人
5.你唔知自己係咪習慣左有呢位貼心朋友既存在,怕日後無左一個甘關心你既人
我諗呢四個問題都係困擾左你好耐

其實你唔試下又點知對方唔好呢?
講真年齡真係唔係一個問題 你都知自己好介懷 其實你只係驚對方唔夠成熟 比唔到安全感你 想要一個成熟穩重又貼心既男士照顧你
對方只係細你年幾 你又點知對方思想唔係成熟?
雖然男性大部份都係好遲熟 但係亦都可以好早熟 你唔試下你又點知佢唔係一個貼心成熟穩重既男朋友呢
就好似你跑步甘 你一開始唔踏出第一步 你又點有更多步去踏呢
試一次唔洗死掛 你如果驚自己唔鐘意對方 甘你咪比個試限期佢囉
佢都等得你五年喇 唔差在個幾個星期喎
講真 一個男人 五年時間佢一定識多過千條女 唯獨是 唯你獨尊 一個甘長情既人 好難搵到
佢等左你五年 人人都會有甘既能耐架咩 可能今次佢係最後一次架喇 再耐既話佢放棄你就後悔架喇

一個方法 你一定要試下 人地浪費左五年時間去陪伴你 你比返少少時間人地都好丫 而且試完你有可能肯定到一直以黎自己唔肯定既感覺 踏出第一步!

比一個月試限期佢 你要同佢講 佢一定接受
係呢一個月你要不單至觀察對方 亦都要觀察自己 要感覺自己既感覺 直到你感覺到你唔鐘意佢/鐘意佢 一個月姐 對比起五年算得係咩 你試呢個方法喇 都等左你五年喇 比機會人地都好

我同意巫巫所講既咁長情既人好難搵。而家太多男人花心，雖然佢好鍾意一個人，但果頭話鍾意人，但另邊廂被人拒絕後就拍拖。無可否認佢有可能係想忘記鍾意既人，但感情依樣野從來呃唔到人，何必要傷害大家？

但我唔同意巫巫既係，正正因為感情冇得勉強，唔可以話因為對方等左五年就要接受佢。感情同時間我認為是獨立黎睇。

我都曾經有個人鍾意左我好耐好耐，情況好似樓主咁，初頭都會諗自己係咪鍾意佢，但後來搞清楚係感動而唔係愛情，我對佢從來無心動既感覺。

樓主最需要既係搞清楚感動或愛，你可以試下問下自己依幾條問題：
1. 如果你唔見對方幾日，會唔會好掛住？
2. 如果對方搵你去街看戲消遣，會唔會有甜絲絲感覺？
3. 如得得閒無事既時候，第一時間想到的人是對方嗎？
4. 如果對方病左又或者有咩事，你會唔會好緊張對方？程度係可以放低手頭上既事而去睇佢？
5. 會想同對方有親密既行為嗎？e.g.拖手、交頭接耳、kiss等

如上述全部皆是，那你有九成是喜歡對方。當然，我地作為旁人真係唔可以幫你定斷，因為最知道感覺既係你自己。

細年幾真係無咩問題呀，我覺得如果個男仔呢幾年唔係一邊在出面玩一邊追你，係專一地等待你的，咁真係幾痴心架...你接唔接受人當然睇返自己點諗，你係對人無好感無意思就唔好拖泥帶水累左人，緣份來到就把握咯。我覺得如果你真係發現好喜歡一個人，即使佢同你平時的擇偶標準幾咁懸殊你都一樣會唔理，某程度上而家可能反映你都唔係真係好鍾意人，只係你想拍拖又咁岩有個痴情男子先令你去考慮吧。

好心你啦~
個男仔都唔介意細過你, 你女仔反而介意人地!
更何況只係細年幾-.-
你一定係思想很守舊既人~
佢係細過你, 但如果佢思想成熟過你,
佢一樣可以好好照顧到你!
只係睇你肯唔肯比機會佢!
你都識話5年啦~
你點解唔比個機會佢?
真係連試下既機會都唔得咩?


試左...拍過之後, 如果你都仲係接受唔到既,
咁到時你地先分手lor
起碼佢會甘心, 會真真正正放手搵第2個
就算佢真係因為咁, 比你hurt到, 咁咪當狼狼hurt佢一次,
咁樣佢先會放棄你~


比次機會佢, 試下同佢拍啦

試下啦…
起碼有份靠山、有個盤吖！
希望可以幫到你！↖↗↙↘