為什麼我的波子魚BB生出來兩三星期便死了？

其實要將D BB魚養成大魚，除了要有好的生活環境之外，還要很幸運的啊!!!!!!!!!!!我之前都有成一百條魚，可是現在只剩下約80絛。





其實波子魚是好易養的，你要繼續努力啊!!!!!!!!!!!!

你養bb既方法可能出錯左,以下我講既野希望可以幫到你

1.你將BB和媽媽分開缸養,養BB個缸一定要用番媽媽果個缸d水先,
即係抽媽媽果個缸d水入BB缸,然後先撈BB過去,
媽媽缸水無左3/4,加番3/4隔夜水落去就可以,加番粗鹽,
一定要落粗鹽,粗鹽用來保護d鱼皮膚,等d鱼無甘易有病,
每10公升水落粗鹽1匙,食飯盒果隻匙,計算公升方法?
水位計: 長?吋x闊?吋x高?吋÷62=?公升

2.BB缸係唔洗用瀘水器的,淨係用水妖氣泵打氣就可以,
唔好將dBB困住係生仔缸,直接比BB係缸果度游水,
唔好加d中和液和消化菌或者其他藥物落BB缸,
唔係dBB會好快死,
等dBB大左先至用瀘水器,
BB缸水無落粗鹽要落番,份量如上寫左。

3.你餵既係急凍豐年蝦蛋,你有無發覺d急凍豐年蝦蛋溶左之後都係一舊舊,
dBB會好難食到的,而且食剩係缸底,容易野细菌。
你應該餵生既豐年蝦幼體比BB食先至啱,
去旺角金鱼街一間叫(天河水族)有得買,近住油站,價錢$6一包,
每次餵小小比BB食,食剩包豐年蝦幼體點算?
用密實袋載住包豐年蝦幼體,千其唔好漏水,
成包放入冰箱直至結冰,餵果陣攞出黎整小小餵BB,
整完又成包放番係冰箱,用果陣先攞出黎用。

4.每日換1/4水,隔夜水,
將BB食剩既野吸走,
同理d屎都要吸走。

5.媽媽個缸同理BB個缸換完水要加番粗鹽,
换幾多水就加番幾多比例既粗鹽,
加粗鹽既份量如上寫左。

6.水妖唔好經常洗,會洗走左裹面既硝化细菌,
大约兩星期先至洗一次就可以。


你而家剩番8條BB,
而家關左濾水器,放番dBB出黎游水,
無落粗鹽就即刻落番,
改餵番生既豐年蝦幼體,
睇下dBB狀態有冇好番先。
你dBB我諗唔係細菌問题,而係轉缸果陣出左問题。

d波子鱼好快會再生BB.
希望你下一次可以全部養得到,
一條都唔會死啦!

2010-10-23 02:59:10 補充：
係有特別工具架!

用果隻幼吸吸,個泵頭係橙色既,好似飲氣水既飲管甘幼,

佢既吸力好細,無甘易吸走dBB,就算唔覺意吸走左dBB都傷唔到dBB,

用網撈番入去BB缸就可以。

個橙色既吸吸在旺角金鱼街(升輝水族器材)有得買,

價錢記得好似係$10一個

你可以2至3日換1次水(約4份2的水),因為D水有細菌,換水時要隔開。