✔ 最佳答案
好粗略地講下啦
係好耐好耐以前,地球剛剛誕生…略
哲學最早的發源地係古希臘,哲學希臘文中的意思即愛思考,即理性地思考和研究學問。當時並無分呢d科目咩邏輯物理數學;哲學的研究對象就是世界本身,世界之大森羅萬象,一草一木皆是學問。抱住呢種心態,理性思考研究學問的人就是哲學家。而當時希臘最主要研究的就是幾何學,佢地對平面幾何的規律同數字的存在覺得好神奇,而現在的你係學校學的數學一般唔會思考呢d形上問題,著重係點樣計點樣用。問「數學是什麼」就不是數學問題,而是哲學問題了。至於話數學源至哲學,其實係因為早期學科未分化,所以乜叉都叫哂哲學而已。分化的趨勢係必然的,世界咁大,學得呢樣自然學唔到第二樣,每科都續漸搵到屬於佢地既研究方法,為了方便分析,學科之間就越黎越分得清楚。
學科之間都係一齊進步到現在,相互影響好大。你上wiki就知數學範圍幾大…數學郁一步,計算機科學又郁一步,令到科學又郁多步…數學係各學科裡面都有好大應用,可以講係人類理性極致最偉大的建築,比高斯話係科學之母一d都唔出奇。
er..要一語概的話,數學就係對一d抽象結構進行推理,而亦因為佢抽象性強,所以普遍性大,套到落好多學科裡面用。