見工失敗最常見的原因

要視乎見既係咩工, 唔同工作會有唔同既要求, 舉幾個例:

見文職既工作, 工作主要係處理資料文件
通常會睇:
1. 衣著 -- 唔可以太新潮, 即係唔可以短褲、迷你裙, 上身既衫唔可以冇袖之類, 要俾人一種做事好整齊既感覺, 頭髮可以係啡色到黑色呢d natural hair colour
2. 言談 -- 說話要清晰有條理, 唔可以支支吾吾
3. 學歷 -- 可能有英文既文件要處理, 所以需要相對既學歷
4. 表現 -- 積極進取

見酒樓樓面既工作, 主要係負責上菜落單
1. 言談 -- 要有禮貌, 但唔要求太好既說話技巧, 當然說話技巧好更佳
2. 做事 -- 係唔係乾淨企理, 動作快
反而呢個工作唔會太睇學歷

見office 既接待員, 工作主要係接待客人
1. 言談 -- 有禮及說話既方式要令人覺得係開心既, 唔可以係平板或者老牛咁既聲
2. 衣著 -- 衣著要大方整齊, 給人留下好印象, 當然頭髮果d 都會睇埋, 髮色最好係黑, 即係唔染髮為佳
3. 學歷 -- 主要係睇識幾多種語言

見sales 既工作, 主要係推銷產品
1. 言談 -- 要係活躍既人, 主動帶起話題, 要好傾得既, 當然說話要有返咁上下說服力
2. 行為 -- 言談間會唔會有身體語言, 令對方投入於話題, 而身體語言可以令對方更有親切感
3. 學歷 -- 主要識廣東話、普通話、英文就ok, 另外都會要求電腦方面既簡單知識

見公司管理層, 主要係領導下屬既工作
1. 言談及行為 -- 要有領導者既風範, 有自信
2. 衣著 -- 要莊重, 多數係全套西裝
3. 學歷 -- 通常要求較高, 即係大學畢業，甚至乎碩士、博士
4. 經驗 -- 要從事相關行業好多年, 而且係第二間公司都係做阿頭既


一般黎講, 衰面試既人都係(1)言談同行為唔好, 即係太健談或者問一句答一句呢d, 仲有說話時候既聲量都反映一個人有冇自信, (2)打扮都係個評分既標準, 唔可以著得太污wea; 另外就係(3)行為, 例如一d 小動作, 轉筆、摸杯呢d, 面試既時候表現太激動都唔好 ; 其次就係(4)答問題啦, 例如呢份工係full time 既, 而且係有提供培訓, 咁面試既時候話自己成日轉工呀, 騎牛揾馬就絕對NOT OK 啦; 問你對公司有幾了解, 點知你牛頭唔搭馬咀既都NOT OK; (5)學歷通常係面試之前你已經連同CV 一齊寄左去公司, 所以有面試既都係學歷PASS 架啦, 除非面試當日先至第一次睇你個CV.

2010-10-19 12:54:57 補充：
守時可以話係最重要, 遲到既話, 除非你有合理既理由, 如果唔係100% 既僱主係唔會請你. 塞車呢d 通常都係唔可以接受既理由, 除非係交通意外.

學歷重要　，　但要睇埋其他野

見工要注意　：

１）拾齊　ｄ　證書

佢睇有冇其他方面工作經驗　／　獎　／　活動　　

２）你衣著是否正齊

３）對答　　（　佢問你　，　你有冇認真答　）　

　　表達自己你講得好吾好　！　

４）你眼神　（　佢講野你有冇望　）　

５）佢會考你打字　／　ｅｘｃｅｌ　睇你得吾得

所以好多野要準備　！　

學歷及過往工作經驗只不過是參考，你能到應公司見工，即表示你已獲得他們的認可，不論是學歷或工作經驗，而我認為不成功的原因有下列因素：

1說話口齒不清
2說話時沒有自信
3說話時太多不合適的用語，即該說不說，或說了些無厘頭的話
4對應徵的工作不熟悉
5衣著不合適或儀容不佳
6遲到
7坐姿