利物浦為何呢兩季噤水皮？

首先，利物浦跟本就唔係勁，即使08-09利物浦拎聯賽亞軍，o個季實力都唔強，o個季佢o地能夠奪得亞軍，好大原因係好多場波都可以打多一個人，包括o個季作客反勝曼城3:2、主場贏車路士1:0、作客迫和阿仙奴1:1、反勝愛華頓3:2等等o既比賽，都係對方有球員被逐，如果呢oD比賽唔係對手有球員紅牌出場，相信利物浦都好難贏到。如果呢幾場比賽係無贏到，相信o個季利物浦亞軍都保唔住。但係利物浦無論球員、球迷都無留意呢點，以為自己o個季同曼聯、車仔實力差唔多，其實係仲有段距離！第二，利迷幼稚！o係利記官方網頁球迷討論區，唔難見到佢o地一見曼聯贏波，就話人o地係球證偏幫、靠附碌，又唔睇o下自己有oD比賽都係靠附碌、靠證錯判而贏，更加無真正去了解人o地成功o既地方！據本人一位曼迷朋友講，曼聯係有心理治療師，前曼聯球員董方卓亦都話唔單止令佢球技有成長，仲連球場外o既態度都改變埋，請問利物浦有無做過乜去調校球員心理？又例如曼聯年青球員外借到友會o個陣，係會將自己o既教練團帶埋過去，個球員o既有無進步，費格遜係完全知道哂，請問呢點利物浦有做到咩？我睇到o既都有噤多，相信仲有好多睇唔到o既地方，曼聯係做得好過利記，正所謂知已知彼，百戰百勝，利迷呢種態度，就等於蒙蔽o左利物浦雙眼，所以一oD進步都無。第三，09-10球季球員變動。好多人都將利記沉淪歸因於賣走沙比阿朗素，無錯賣走佢係有影響，但係一個人o既影響始終有限。不過上季再無埋另外三位球員，加起上o黎就真係好大影響。首先係左翼利亞拿，因為同賓帥不和，所以被雪，結果要後備班拿約打正選，班拿約打正選係OK，但係邊個做後備？賴恩巴布、艾沙亞、Maxi，以至今季o既祖高爾、祖雲奴域呢oD唔係唔夠班就係適應唔到新球會；跟住講右閘艾比路亞，雖然西班牙國家隊佢只係拉莫斯後備，但係能攻能守o既佢對利物浦真係好重要，代替佢o既格連莊遜雖然攻擊方面比艾比路亞強，可惜防守力真係差好遠，上季利記經常被人入波，相信同格連莊遜都有些少關係；最後講希比亞，雖然年時已高，但係08-09球季佢依然馮住佢o既身高+位置感，成為中堅位置上一位可以倚重o既後備球員，09-10球季開始利物浦經常輸高空波，相信同呢位球員離隊有好大關連。

根本利物浦已經技不如人！

全隊只係一個謝拉特叫做似樣，其他人（包括拖里斯，祖高爾）只是庸才一班

試問十幾個庸才在球場上一味夢遊，又點會有好成績呢？！

鶴臣唔係太差，但巧婦難為無米炊；
你畀一堆蔗楂畀佢，點天才都無可以做出山珍海錯的味道

最大GE原因係走左沙比. 以前有佢同隊長一攻一守會令利記進攻同防守都有效率,加上沙比既遠射同比波都好勁 所以佢走左之後隊長根本就分擔唔到兩個人ge角色 加上現時利記仲未有一個可以頂沙比個位ge人

o係利記官方網頁球迷討論區，唔難見到佢o地一見曼聯贏波，就話人o地係球證偏幫、靠附碌，又唔睇o下自己有oD比賽都係靠附碌、靠證錯判而贏，更加無真正去了解人o地成功o既地方！據本人一位曼迷朋友講，曼聯係有心理治療師，前曼聯球員董方卓亦都話唔單止令佢球技有成長，仲連球場外o既態度都改變埋，請問利物浦有無做過乜去調校球員心理？又例如曼聯年青球員外借到友會o個陣，係會將自己o既教練團帶埋過去，個球員o既有無進步，費格遜係完全知道哂，請問呢點利物浦有做到咩？我睇到o既都有噤多，相信仲有好多睇唔到o既地方，曼聯係做得好過利記，正所謂知已知彼，百戰百勝，利迷呢種態度，就等於蒙蔽o左利物浦雙眼，所以一oD進步都無。
第三，09-10球季球員變動。好多人都將利記沉淪歸因於賣走沙比阿朗素，無錯賣走佢係有影響，但係一個人o既影響始終有限。不過上季再無埋另外三位球員，加起上o黎就真係好大影響。首先係左翼利亞拿，因為同賓帥不和，所以被雪，結果要後備班拿約打正選，班拿約打正選係OK，但係邊個做後備？賴恩巴布、艾沙亞、Maxi，以至今季o既祖高爾、祖雲奴域呢oD唔係唔夠班就係適應唔到新球會；跟住講右閘艾比路亞，雖然西班牙國家隊佢只係拉莫斯後備，但係能攻能守o既佢對利物浦真係好重要，代替佢o既格連莊遜雖然攻擊方面比艾比路亞強，可惜防守力真係差好遠，上季利記經常被人入波，相信同格連莊遜都有些少關係；最後講希比亞，雖然年時已高，但係08-09球季佢依然馮住佢o既身高+位置感，成為中堅位置上一位可以倚重o既後備球員，09-10球季開始利物浦經常輸高空波，相信同呢位球員離隊有好大關連。

領導層唔得，教練又唔得，賓尼廸斯亂買人，鶴臣唔夠班