請問冬天室內泳池啲水凍唔凍？定係真係暖暖地？

我試過去公共泳池游(有暖水那種),秋天水面會涼,但入到水會暖.但小心行去泳池時會冷到.

所有政府公共泳池, 冬天仲開, 就有暖水,
而暖水嘅溫度, 係限定在攝氏 26 -29 度.

佢會有溫度計放入水裡面, 去度住水溫.

不過, 一來水需要大量能量先可以升溫, 如果突然落大雨, d 水突然好凍, 佢都要 d 時間升返溫.
二來我地身體都會感受埋氣溫, 環境嘅溫度.
所以我地一定會覺得佢 d 水溫並非時時一樣.

不過, 以我經驗, 如果10月 或 4月, 無太陽幾日, 仲要落左雨幾日,
就一定比冬天嘅暖水仲要凍好多.
如果你去室內池, 雖然由更衣室出泳池條走廊無暖氣, 但泳池同更衣窒都有, 氣溫同水溫都會比而家 10月無太陽 + 落雨來得暖.

今年 10月5 日那天, 應該係今年10月到而家最凍嘅日子, 嗰日水溫同氣溫都好凍.
就好似 4 月剛開放無暖水嘅池咁凍 (4 月仍然成日落雨, 又有冷風, 仲無陽光, 同10月5日情況一樣)
相對而言,
即使冬天氣溫得 6 度, 如果室內暖水池有開, 氣溫同水溫都會比今年 10月5日來得暖好多.
.
.
.
不過提一提...
夏天 d 水, 係可以 30度以上, 甚至有 35 度, 所以使你唔運動, 只係玩水, 都會好暖. 唔會凍親

但冬天水溫, 唔會有 30度以上 ga 喇,
所以, keep 住游問題唔大, 但玩水, 企喺水入面唔郁, 女仔都有可能會凍親的 ...

要留意一下.

睇下邊個泳池囉
室內多數都系暖架