歐洲 自遊行

6月份是歐洲天氣回暖嘅日子,是不錯的選擇.

1.) 14天要到4個國家,我一定說不足夠.
2.) 這個月份機票,今年大約HK$6,500 - 7,200. (只是法國跟香港來回,不計其他國家);上年一月份我先飛到法國再轉機到德國,隨後是在德國駕車到法國再飛回香港,機票盛惠HK$6,747.
3.) 在德國-法蘭克福駕車到法國-巴黎(我們上午9:30開車,停二個地方休息,大約下午6:00左右到.
4.) 你不回來嗎?
5.) 德國-法蘭克福Hotel - Hilton 要Eur 220一晚(雙人房);法國-巴黎市中心2-3星要Eur 80-150一晚(雙人房) / 比較遠Nation區Eur 60-90一晚(雙人房).其實價錢&月份會有好大影響.
6.) 消費好難說.
- 瑞士(好高)
- 法國(幾高)
- 西班牙(我沒去過)
- 德國(幾高)

朋友, 想去旅行其實真係要比 d 心機, 睇多少少資料, 了解多 d... 14 日既行程, 扣埋飛機來回 2 日, 得返 12 日, 4 個國家, 平均每個國家 3 日 ? 仲話要去晒 d "必去" 既地方 ?? 你覺得有冇可能 ?? 當你打開歐洲地圖, 你就會明白你既 "PLAN" 係冇可能實現...14 日去 4 個國家. 得, 你只係去搭車既, 冇問題. 到站後行 3 個鐘, 再搭車去第 2 度啦... 咁樣你有機會去晒 4 個國家, 但會咩都冇睇過. 記住城市之間係有距離既, 巴黎同巴塞隆納之間係一晚夜車 !!現實一點, 如果你只有 14 日時間, 又唔想走馬看花. 德國西南部 (法蘭克福, 慕尼黑), 瑞士 (琉森, 日內瓦) 加埋法國巴黎就最簡單. 西班牙太遠, 車程太長, 浪費時間.來回機票一定比單程平, 而且你冇回程機票, 分分鐘唔比你入境 !! 建議可考慮係法蘭克福落機, 巴黎尾站回港. 預算方面, 6 月機票連稅約 8000, 火車證大約 2000. 另加歐洲駛費每日大約 80 歐元 (包括最基本既住宿, 市內交通, 飲食, 入場費等). 14 日行程, 加埋保險, 最少大約預算 25 - 26000 蚊歐洲酒店勁貴. HK$250 - 300 一晚希望你係講緊每人消費. HK$600 = 60 歐元係歐洲係唔足夠租 1 晚旅館 !! 當然如果你諗住屈蛇就冇得講啦. 你可以考慮一下住 4 人房, 相對會平少少, 大約 100 - 120 歐元一晚.4 個國家, 瑞士最貴, 德法次之, 西班牙最平, 但同樣一定比香港貴.