直接向發展商買新樓，有何利弊？

好多人都以為,直接幫襯發展商,會好過透過由地產代理購入,呢點主要係講錢,但其實係冇分別,因為就算你直接落單,發展商都唔會將個俑金退比你.

近10年黎講,發展商多依賴地產代理去盤,第一,地產代理人際網絡超強,佢地手上會有大批潛在買家;第二,地產代理可以短期關閉分行,以短時間將人力資源谷盡去哂地盤,製造氣氛.第三,發展商可以透過地產代理,將原本唔岩規矩既事,假手於代理出面,避過好多法律問題.

所以,除非個市係旺到唔使推都有人買樓,否則,發展商照顧地產代理呢個睇法係成立,所以客人自己同發展買樓,金額上基本係冇分別.

經紀好煩,但其實人地都只係搵2餐,你如果要買樓,其實可以隨便是但搵條友,mark起佢,佢就會照顧到你入土為安(完成交易),當有經紀照顧緊你,基本上其他行家係唔會再騷擾你,而搵地產代理係有個好處,第1佢地對個盤係比較清楚(發展商既人,其實唔一定好清楚),你可以問到好多真實既野(當然,假設個經紀係有料而誠實,而我自己係有理由相信會有呢類人),有得問而問得到係好緊要(你唔識問就只係你既問題),因為係冇現樓可以比你睇,經紀既資訊係有一個價值,試諗下,而家一層新樓動輒幾百萬,經紀如果介紹到個好盤比你,俑金係成件事上相對黎講,係好濕碎.

排隊,睇完,買層樓,其實要花幾長時間,有條友陪住係好d,當然又係貪佢資訊流通過你,其實地產代理間接可以令你係買平左定買貴左,買平左其實唔係真係買平左,只係以正常市價入貨,於是問題就係,假設你係用家,你點去衡量,你既價係市價,定係接貨價?點為之貴或平,我相信一般人好難掌握,特別係原本去行商場,點知就咁買左樓既人(我有幾個朋友係咁),完全冇做功課既情況下買到荀盤,其實係經紀既功勞(好彩).

ps:我唔係做地產代理,亦因為工作關係,我都好鬼憎佢地,不過,以事論事,買新盤搵經紀真係好小小,有咩事都可以拖埋佢地落水.