我地呢個方法係咪最好既呢 ?

表姐是否遇上了租霸呢 ?

表姐上星期五經地產在元朗以4500租了一五百幾呎既村屋的三樓
位於洪水橋奕園村奕園閣"狗"座
起租日是10月20號.免租期講好9日.
業主係一對夫婦 (歐陽x,何x圓)
11號表姐己正式簽了正式租約,拿了鎖匙.
由於屋內衣櫃飾櫃都已經十幾廿年,故有陣陣怪味,而且飾櫃估計是從垃圾站拾回來的. 因眼見業主的天台和樓梯都放滿很多垃圾雜物,好像拾荒者的家一樣.因自己看到那種邋遢狀況已不想動手做,我提議表姐請家務助理代勞.
但表姐又貪平,佢向女業主請教,問佢可有熟人介紹.
業主當時仲拍晒心口話包滿意包干淨. 表姐當時仲講明要求對誘要帶備清潔用具用品.

點知後來佢帶黎一個七十幾既阿婆 (睇落應該係農婦),當然做野會好慢啦.而且仲開天殺價.業主話要300至做.
我表姐都息事寧人無同佢計較. 唸住算數啦
點知佢做左一日,時近黃昏,表姐發現佢有d地方仲係好邋遢,咁就問下婆婆清潔左果度未啦 ?阿婆竟然話已經清潔左. 其實有d係我之前一日幫表姐手抹剩既,我最清楚.而有d就一睇都知應該係無抹過既.但阿婆話已經攪掂.咁作為消費者當然可以要度佢再做啦,係咪 ?
咁表姐咪即刻同樓上天台既女業主反映囉 !
點知業主唔夠兩句就即刻上身,變臉,發晒顛咁勁鬧我表姐 !質問表姐點樣唔干淨 ?又詰自己覺得完全無問題,已經好干淨 !又話表姐睇唔起阿婆,虾阿婆 !又話表姐份人好過份好刻薄云云.....仲好兇咁鬧表姐問佢係咪想唔比錢 !
表姐好怕事.同佢講道理細細聲.但佢就愈來愈惡好兇. 完全係有佢講無人講. 打橫黎.
一個經常自稱係基督徒,超好人既人突然變臉,好得人驚 !
表姐為免得罪佢,就寧可企喺度俾佢勁鬧.
後來佢老公過黎又話左我地一大餐. 又強調佢地係大好人,我地唔啱,又話已經幫我地慳左好多錢.又話連清潔用品都蝕埋比我地. (我地係叫清潔姐姐帶啫,無叫佢地帶bor,咁你個阿婆無...你幫佢出係你地既事啫,咁都入我地數 ?天理何在呀 ?)
我地外出時,佢介紹既清潔阿婆抹玻璃窗時,竟然成塊玻璃跌左落街.咁佢地又入我地數,話佢地都無要我地賠.對我地已經好好....!
咁人係你介紹既,你d玻璃窗又已經日久失修,成十幾廿年喇....你既人整爛唔通要我地賠 ???
俾佢勁鬧完,我講左幾句為表姐解釋.事後都唔係太開心咁離開.

第二日.我地一早就帶鎖佬去換鎖. (事前在簽正式租約時,表姐禮貌上知會過業主換鎖一事,業主仲提議或者加多一把鎖都得)
當日業主二人都在樓上天台攪佢地既垃圾工場.佢地知道我地黎左. 二人都不停借尿盾落黎問我地攪咩. 後來當鎖佬開始準備將新門鎖裝上之際,佢地突然從樓上跑落黎....喝止. 問表姐點解整爛佢度木門,....即刻要鎖佬停工,話要我地補番度門比佢,唔可以加多把鎖,只可以換過把鎖. 仲話自己根本無講過話我地可以加多把鎖.當時表姐好驚. 唸住即刻叫鎖佬打價補番度門俾佢地至算.
點知兩條友即係又話唔得,要我地賠番度新既門俾佢至得,補番佢地唔收貨wo.莘 !咁都得 !我睇睇下勢色唔對,我覺得佢地似乎存心想屈表姐咁.
佢成間屋都無樣野係新既.(除左個廚房係叫做求其裝修過執過下),大部份野唔係廿年以上喺上面再油幾層油上去遮醜既,就係喺街外執番黎裝上去既. 佢竟然獅子開大口就話要人賠過度新既門俾佢,咁佢地咪仲好過去搶 ?
根本成件事就睇唔到佢地係有心去解決,只係枇小事化大...想拷咋我地攞錢....每次一開聲都一定係講錢

最後我地企硬.堅持唔會賠一年租,只願意賠上兩個月按金一個月上期作為退租.而門既問題我地係一個仙都唔會再賠.如果佢地貪得無厭的話,我地寧願搬入去住,唔取消租約.
經過一輪擾攘,佢地好快就答應.
昨晚即晚就簽妥退租書及文件.
不過我覺得真係好唔抵囉 !無啦啦唔見左萬幾蚊....仲要俾人鬧....做晒所有野都係為人地既.我地自己蝕晒底為人地做晒所有野,到頭來仲要俾人話俾人鬧......!多謝唔該一聲都無 !咁樣就無左萬幾蚊 !
我唔知我呢件事係咪應該咁樣處理係最好 ?你地話呢 ?