英國海關問題[20分]

halo, 我係英國讀緊書, 希望幫到你丫=]

1) 我想知佢地會問咩野架?

>> 睇你係去做咩既, 如果你係去讀書, 佢見到你個visa, 就會問你係讀咩, 係邊度讀, 讀緊咩level 既course 等.

2) 同埋係唔係要用英文回佢?

>> 當然啦, 係英國嘛 = ="

3) 我英文好差, 我唔識點答佢啊.

>> 就英文再差, 我相信, 應該都唔會黎佢唔到既, 佢唔會好難既英文問你, 都係問你"where are you studying" "which level of course are you doing?" 等等, 如果你係去讀書既話, 你英文有一定既level, 呢一d simple questions 應該唔會難到你既.

4) 可唔可以話我知佢會問乜同埋我應該點答?

>>同(3), 佢唔會問你好多野, 都係最多一兩條, 如果係去旅行既, 就問你係番幾耐, 會去邊度玩, 邊度住, 好似"where are you staying", 咁你講出你係邊個city, 就得了, 如果係番學, 問你"which level of course u are studying", 你答佢"GCSE/GCE/UNI" 咁就得了...

5) 最好中英文翻譯。

>> 講真呢, 如果你英文真係好唔得, 簡單既對答都唔識, 你就最好prepare 定, 而唔係去搵翻譯, 因為佢只問你1 - 2 條問題, 如果要叫翻譯, 一黎唔係成日都有人standby幫你翻譯, 二黎, 如果你話你係去讀書/旅行, 但係連佢既問題都答唔到, 佢可能會質疑你係唔係真係黎英國讀書, 可以有權帶走你既...

n.b 如果你係去英國既, 而覺得英文真係講都講唔上, 但係係有人同你一齊去既, 你可以同佢一齊過關, 唔一定要1:1 既. 咁同你一齊果個就可以幫你答了.


2010-10-16 00:52:46 補充：
同埋我見到其他人係知識度話佢會問幾多問題下。

>> 唔會有好多野問你既, 佢一日都有多好多人入境, 佢最多都只係會問你幾句, 如果佢問你黎做咩既, 你可以話黎旅行, 佢問你住邊既,你可以話佢知你家姐係度讀緊書, 你會去佢度住, 佢係住係邊個city.

2010-10-16 00:54:21 補充：
如果只係去旅行,想係果度5個月左右得唔得?

>> 一般唔整visa 可以stay 6個月, 可以5個月冇問題. 但最好唔好俾佢知你黎旅行5個月啦, 咁長時候, 之後佢就會怕你係黎打黑工既, 就會唔俾你入, 之後, 佢可能會問你帶左幾多錢黎, 你照答佢就得架啦...

如果佢問點解去果度. 甘我點答?

>> 唔問? 果度即係邊度= =

有翻譯，但會搞你好耐。

多數問你係邊度嚟，去邊度，旅遊定探親，逗留地址時間，回程機票，親友姓名，公幹證明，跟團證明，仲有你有幾多錢跟身，護照簽證，信用卡等都會檢查。