✔ 最佳答案
需要還債嗎 - 如果係商業債項, 例如銀行、財務、信用卡公司, 答案係理論上要. 而家d銀行、財務、信用卡公司在借貸合約都有寫明可向借款人之資產受讓人 (我中文唔太好, 唔知有無譯錯. 英文係 “assignee”) 及遺產執行人追討欠債. 一般私人朋友借貸無寫明可向借款人之遺產執行人追討, 所以就人死燈滅, 一筆勾銷.銀行或財務公司會否追數呢 - 答案係睇情況. 如果上述機構要向借款人之遺產執行人追討欠債, 就要入禀高院進行民事訴訟追討. 請律師都使一大筆錢. 所以如果上述機構評估過無着數, 例如欠債金額細, 又或從各方知道借款人無乜遺產剩, 咁就未必會追討. P.S. 我唔知你說嘅 “追數” 是否指 “追討”. 如果你說嘅追數是指揾人收數, 咁就好易攪. 影印定借款人嘅死亡証, 如果有公司寄信追數, 就影印追數信 (正本留番做紀錄), 將張死亡証影印本連追數信影印本寄番該公司. 如果有人上門追數, 就俾張死亡証影印本佢交俾該公司. 咁佢哋會停止追數. 從唔從法律途徑追討, 就睇佢點決定.如果係大耳窿上門追數, 咁就俾張死亡証佢睇都無用, 要報警.