慘了....有邊個可以幫幫我(有d長)

(我係男)暑假過後第一日番補習社,見到一個新來的女仔,14歲,我都14歲,但我大過佢,起初就什麼事都沒什麼,但有一次,我地面對面坐,我地講下講下,佢問我:{點解我好少見你有笑既?},我話:{我都唔識笑....},之後,佢好自然咁叫我比phone number,我當然有比,反正做朋友,沒什麼大不了,但我地離開補習社後,大家分開行,但唔夠10分鐘,就send message比我,問:{你明天會番嗎?}我回答:{會}.過了一陣子,有一次我幫個補習老師買水,臨出發前,佢托我幫佢買件紙包蛋糕,但我沒回應,但我出門那一刻,我感覺到佢有d失望,但我沒忘記,買完水後,就買了紙包蛋糕,回去時,佢好開心,但只有微笑,自此之後,佢得閒就踢下我(當然係細力踢)有時仲會畫下心心係我隻手,或者畫個kiss上去,我用隻手掃下佢隻手,佢都無閃開,只係繼續畫.最近,有一次,我地又一起走,去到大廈門口,我地又如平常般,分開行,但今次佢居然同我同路,我地一路行,一路行,行下行下,我最後連番屋企既路都唔行,仲送到佢屋企樓下.一日後,我爺爺走了,佢好關心我,係咁send message比我,叫我堅強d!今日,我買左提子汁,順便買埋紙包蛋糕比佢,比左佢後(當然送比佢),佢又好順手咁攞左我支飲過既提子汁,仲問我可唔可以飲,我點點頭,佢就咁飲左,跟住...我日日都送佢番屋企,我問佢會介意?佢話唔介意...(打漏左:有一次,落大雨,我同佢一起走到樓下,然後佢走先,我等人,但佢差唔多離開我既視線時,我回頭睇睇佢,發現,原來佢都望緊我)
咁....想問下,佢到底對我係咩感覺,佢仲成日對住我微笑...