阿爸好錫我 我又好錫阿爸
阿爸真係對我偏心得好緊要
我做錯都唔捨得鬧我..
但係我升唔到理想既中學
阿爸又一直對我成績好著緊
加上我一個BEST FD 又升到理想中學
阿爸係咁拎我黎同佢比較 又成日鬧我
個排我成日喊 好唔開心
因為我同個best fd 都係派位+ band1中
分到中學既機會係隨機
阿爸成日話佢努力過我爬過我點點點
但係明明同派位就無關係
咁我當然好唔服 於是關係愈來愈差
當時阿爸又突然停玩我同佢一齊玩既game
於是又少左一個渠道去溝通...
我份人好倔強 你點對我我點對你
家姐又同阿爸關係愈來愈好
我愈覺被排擠 拋棄
成日對住佢都唔出聲 無表情
佢成日話最錫我 但係我只係不屑地想
"以前就係!"
直至尋日
阿媽話阿爸入左醫院
話阿爸突然覺得個心好痛
係張床到唔行得
我唔知比咩反應..
阿媽雖然口裏咒罵阿爸唔戒口
但我深知佢好擔心爸爸
我見家姐一返到黎就眼濕濕
但係我唔係太傷心 又唔會開心
我無喊 無笑 麻木
我已經習慣對阿爸唔好!
我已經唔識點對阿爸表達關心
但我無法想像就這麼一個人
突然從你生活中消失
感覺真的很可怕..
我唔知自己想點
覺得自己好不孝
如果阿爸真係死左我真係唔知會點反應
...好驚
更新1:
多謝大家關心 阿爸情況穩定 應該就無大礙 等緊身體報告
