想學下點同人溝通

主要問題同人溝通有好多方法,做下義工啦,返教會學下同教友互動交流會幫助您如何
建立溝通的方法.倘若您能夠學習不同的生活方式定能改變你溝通的技巧.只有在生活
中不斷學習才能增加溝通能力呀.好好學習啦.加油加油加油.

首先 我好樂意同你傾計

[email protected]

跟住就開始講你問題先啦

【同同學一起時,成日都覺得自己埋唔倒堆
好似好陌生咁,覺得人地忘記左我的存在】

冇人會一開始就埋到堆架 多d主動同人傾計 人地就自然會留意你 注意你架

【成日都因為無fd無心機溫書】

點解你唔嘗試下 比心機讀書呢 你成積叻 自然有人注意你 更會問你功課 咁就自然有渠道同人溝通


【我又唔想俾d fd知我諗法】

同埋 點解你唔想比你fd知你諗法呢 人地知道你諗法既 可能會容易d同你相處

好啦 咁我又做個總結：多d主動同人傾計 我發現 你只係信心唔夠姐 成日驚自己識唔到fd 又或者擔心d fd覺得你唔係幾玩得埋 結果驚下驚下 就驚到唔敢同人相處 你都唔敢同人相處 唔敢同人傾計 人地又點會覺得你存在 我唔係到同你傾計 你都會唔覺得我存在啦 同樣道理姐

呢到十個有九個都係唔敢主動出聲 跟住話識唔到fd fd唔會自己運到黎 就算運到黎都唔會多 被動既 可能會有兩至三個 主動搵 一定有5個以上 唔好怕比人問你：【我都唔識你 點解要同你做fd】 <<呢句野係低能仔先會講 唔識先要做fd 識既又洗乜做fd? 本身已經係啦 所以唔洗擔心架

你難以與其他人溝通係因為你既根
你既根就係由細到大都無咩人教你點與人溝通 又可能無咩人同你溝通

我覺得同唔到你溝到既人大部份係因為 你咩都唔肯講 收收埋埋 係人都覺得你難以觸摸 又怎有人去與你溝通呢?

你自己成日係到講 驚人地點睇 其實你最無既就係你既 自信
自信呢樣野真係好重要
自信同生活真係有好大既影響
咩為之自信?
你會唔會成日有野與你朋友發表 成日笑 多野講 咩都唔驚
其實應該所有野都係你自己既問題
你乜野都唔講 家人朋友都覺得你難以觸摸 甘真係無人幫到你架喎
甘又唔係全部都係你既錯 主要都係因為屋企人唔識教你姐
你試下搵一日同你呀媽發表哂你甘多年黎想講既野 如果唔係你再係甘落去 我怕你第時係街到見呀媽就如同陌路人
仲有朋友 朋友又點會覺得自己朋友煩呢? 你唔開心去搵佢地傾 對方一定會好有心甘寧聽

你都中六喇 你再係甘落去唔得架喇 就黎出到社會 讀大學
真係好講求人際關係 你人際關係唔好係 直接影響到你既工作能力 心理上都會有一定程度上既影響

如果 你真係驚朋友覺得你煩 唔敢同屋企人傾 你真係得一個電話
關心一線 27778899 對方唔認識 又可以耐心甘聽你講哂甘多野 又有解決方法比你 點解唔一試呢?
其實我覺得你再係積落去 你真係 真係有需要睇心理科醫生 好多心理病都係好似你呢種個案甘產生出黎
你比d自信心喇 講哂你想講既野出黎喇
你要諗你都中六 你唔想一世甘落去掛 唔想做毒男掛
中六架喇你!