身體語言分析

挨住 lift 牆 ge 人: 你諗吓, 一個人點解要挨牆? 借力, 疲倦, 覺得悶或者無精神等等, 係咪 ? 其實全部都可能中, 不過籠統 d 講, 呢個人 ge 心態就係有 d (pair), 提唔起勁咁樣, 點樣去驗證? 你試下有 d 好吸引佢 ge 事物突然出現, 佢 ge 正常反應係會馬上企番直, 呢樣嘢可以反映挨與唔挨喺心理上 ge 意義.

"兩隻手向後捉住lift 內的扶手欄杆": 呢個動作其實係完全無實際作用 ge, 因為咁樣捉扶手不但只唔可以好隱陣咁固定自己, 部 lift (錯) 吓仲好易整親手添, 佢呢個動作可以反映出兩種心態 : 1) 同上一段講 ge 嘢相配合, 覺得提唔起勁, 悶, 隻手就自自然然搵 d 嘢攪吓, 玩吓, 2) 手係除左面部表情之外, 另一個可以表達自己 ge 部位, 手部動作好多時可以直接反映個人情緒, 而收埋對手喺後面, 係有收藏自己, 唔俾人睇出自己真正心意 ge 作用.

用身體語言嚟判斷人 ge 心態, 難度在於一個動作往往可以有多種意義, 個動作係長時間都出現定係一次半次, 又有唔同, 有時有 d 人想表達自己, 故意做 d 唔係出於自然 ge 動作俾人睇, 又會做成影響, 不過, 概括 d 講, 你寫 ge 呢個人, 佢大致係一個貪玩 ge 人, 目標如果得唔到會鬧情緒, 唔係處之泰然果種人, 目前可能受緊某 d 困擾, 但佢個人又會介意人地點睇自己, 鍾意表現吓自己, 但係個膽就唔大, 重大關頭會怯場.

註: 我自己平時都好鍾意估吓人, e 樣嘢係個人 ge 興趣, 亦有可能係職業病, 如果估錯咗希望唔好鬧爆我.