給異性憎恨?

一.我在唔少女性面前有自信會比佢地覺得我自大,但我自卑又會令自己做咩事都做得好差,咁我在佢地面前應該自信定自卑好d?
其實我覺得你本人真係太注意d女仔對你既反應啦, 自尊係點建立返來架? 自尊係對自我價值同能力既自我評價, 而你既自尊建立左係班女仔身上, 其實你要改善自己, 首先就唔好在意別人既眼光,認定左佢點做既話佢地就會點睇你, 你係為你自己改變, 唔係為個班女仔而改變自己, 從中得到佢地既認同, 因為你自己要認同左自己先。男人同女人睇野既角度唔同, 可能你眼中認為既自信, 係佢地個到睇來係自大, 其實自信方面唔需要刻意去表露, 你既然有能力既話, 我相信人地係會睇得出, 即係有時講野都唔需要畫公仔畫出腸。同埋能力個方面,最重要係量力而為, 睇返你之前個問題, 你話你想以一技之長去遮蓋缺點, 但係呢個唔係最有效方法囉, 學野睇興趣, 強迫去學對你自己都冇好處, 而且唔係一時三刻就學得好, 你應該盡量搵返多d自己鍾意既野去做。平時既表現亦唔需要太過刻意,平平凡凡 早晨再見呢d基本禮貌, 可以繼續做落去, 多d係生活之中警惕自己, 例如寫紙mark低自己應該留意d乜, 好似儀容方面唔需要打扮得太誇張, 普普通通見得人就得, 如果你用旁人角度諗, 一個普通職員本來著西裝既, 但係某日又著得好時髦, 用晒名牌野, 個頭又好出位咁, 你都覺得好怪啦。


二.好介懷比女仔睇唔起,，所以我想發憤做專業人士,唔想衰比佢地睇,但另一方面自己又好容因為見女性對自己差而令自己無晒信心,如果你係我會點?男仔最好要有咩長處先唔會比女仔睇唔起?
你發憤做事係好, 但留意, 目標訂得太多又或者個plan根本唔岩自己既作息時間, 最好唔好實行。目標係訂係自己能力所及但有挑戰性既位置, 同埋要實際。如果我係你, 首先對女仔唔好咁介懷, 自己應該反思下同檢討下點解會咁,人比人比死人, 第d男仔做到既野, 我係咪一定要做到呢? 我自己都應該會有自己既長處架, 唔一定要模仿別人, 最緊要肯定左自己, 但係唔需要刻意去表露。唔夠細心唔醒目, 好多人都有呢個問題架, 但係你可以係考慮多d, 諗多d, 你將個觀察既地方移向別人既需要上面, 係人地未提出問題或者佢可能唔好意思講出口前多加留意, 而唔係係對自己既評價上面, 用自己既能力去幫下人地, 咁雙方都會快樂d。


2010-10-10 12:52:29 補充：
我認為成熟呢樣野, 係慢慢實踐過﹑經歷過先至稱得上為真正既成熟。
可能你而家放低其他人對你既評價, 努力做一個真正既自己, 而且能夠照顧到旁人既感受﹑需要, 可以自己有能力獨當一面, 做好一件事, 不知不覺間就會成熟。
其實我覺得18歲呢個年齡介限, 根本就唔可以稱得上係咩, 呢個年齡不只過係用心智發展到成熟階段去劃分。但係每個人既進展都唔一樣架, 有人早熟, 有人就算到左70幾歲都可以好幼稚, 所以話真正既成年﹑成熟唔應該係以年齡為標準。
所以, 當你認為你真真正正做到一件事既時候, 也許可以稱得上係成熟了。

1.可能因為你太刻意表現出自信,然而與你平時的表現不符才會令她們反感吧。我認為不用刻意表現得自信也不要自卑,嘗試去做真正的自己,以平常心去面對她們,自然一點就好了。
2.我認為你想發奮做專業人士的想法是好的,只是你的出發點有點問題。因為你是因為她們看不起你才想去做,當你做到了而她們不再看不起你時,那麼是不是你已到終點?你應該要想想為什麼你要做專業人士呢?對你的以後有咩好處呢,好似事業ar,婚姻ar等等,長遠一點去想比較好。如果我係你,我會採納有用的意見無視中傷的說話去做好自己。有些人,對你好的,佢會比有意義的意見你。有些人,就愛刻意中傷踩低人抬高自己,做埋一d損人不利己的事。你可以當佢地不存在,嘗試堅定走自己認為該走的路,別因別人的三言兩語而打斷。

我身邊都有一個男仔fd好似你咁,廿歲人都未拍過拖,佢都一直為此好苦惱。我想問題的結徵大慨是不夠主動吧,男仔主動些臉皮厚些,不要害怕被拒絕,自然會有女朋友的了。最多趺低起返身~而且佢同你一樣,發展事業的原因是因為想搵女朋友,其實女仔並不會欣賞這種出發點的,所以你應該找個長遠的人生目標才是治本之道。