琴行內盜竊千多元的混音配件 - 10月4日發問

1. 當值律師或請律師, 基本上對結果係沒大分別. 只不過有律師做, 過程會順暢d. 所以個人意見請當值律師己足夠. 認罪係最大求情理由, 因為慳番法庭警方律政署時間人力金錢. 法官係唔會考慮 “庭上表現” 呢樣嘢. 垂低頭表現後悔應承不再犯事人人都識, 法官唔會理. 而且法庭事事講証據, 要感化官白紙黑字話佢會改過, 法官先會接納 / 考慮, 所以感化報告好重要.2. 07年時藏毒判緩刑兩年, 緩刑期己過, 對令次判決無乜影響. 有毒癮就有d影響, 起碼無咗社會服務令呢個 option, 因為不成文規例, 同毒有關嘅人 (衰 DD、有毒癮) 係唔會判社會服務令嘅.3. 全行都知, 求情信係無用嘅, 尤其是有案底嘅人. 除非係做咗廿年義工、救過跳海嘅人等等...4. 係唔係判坐監都可以上訴. 理論上可以上訴3次, 即係向高院原訟庭、高院上訴庭、終審法院上訴. 實際上呢d芝麻綠豆案, 上訴庭及終審庭唔會理. 佢人贜並獲, 你話上訴贏嘅機會大不大呢?5. 又唔可以話前途盡毀嘅. 大把人有案底坐過監都可以正常生活, 甚至對社會非常有貢獻. 陳慎芝就係一個好例子. 靠乜嘢為生? 我點答你?! 有個有錢老豆就靠老豆, 無嘅就努力工作. 再唔係, 攞綜援囉. 老實講, 佢日日食瓜子+咳藥水, 一早己經前途盡毀啦…係時候醒啦!再有問題請post 上 yahoo知識然後 email 條 link 俾我.

好同意peter

當我一睇到條問題 個心已經有同樣睇法

食左20年毒品 身體同腦部已經嚴重受創 (唔洗讀醫都知)

智力,記憶,語言能力可能都受到影響

一早已經人唔似人